കേരളത്തിലെ കാലാവസ്ഥയ്ക്ക് അനുയോജ്യമായതും രോഗകീട ആക്രമണം കുറവുള്ളതും കൂടുതല്‍ പരിചരണം ആവശ്യമില്ലാത്തതുമായ കുറച്ചു ചെടുകളെകുറിച്ചറിയാം. ഗ്രാമ്പുവിന്റെ കുടുംബത്തില്‍പെട്ട ഇലച്ചെടിയാണ് യുജീനിയ. ഇതിന്റെ തളിരിലകളുടെ ഓറഞ്ച് നിറമാണ് ഈ ചെടിയെ പൂന്തോട്ടങ്ങളുടെ അഭിഭാജ്യ ഘടകമാക്കുന്നത്. അഞ്ച്-ആറ് അടി ഉയരമുള്ള കുറ്റിച്ചെടി മുതല്‍ വലിയ മരമായിവരെ ഇതിനെ വളര്‍ത്തിയെടുക്കാം.

ഇടയ്ക്കിടെ പ്രൂണ്‍ ചെയ്യണമെന്നതാണ് ഈ ചെടിക്കു വേണ്ട ഏക പരിചരണം. തളിരിലകള്‍ എപ്പോഴും വേണം. കൂട്ടമായും ഒറ്റയ്ക്കും ഈ ചെടി വളര്‍ത്തിയെടുക്കാം. ഓറഞ്ച് തളിരുകളുള്ള ചെടിയാണ് ആദ്യം വിപണിയിലെത്തിയതെങ്കിലും പിന്നീട് കടും ഓറഞ്ച്, കറുപ്പ് നിറത്തില്‍ തളിരുകളുള്ള യുജീനിയയും വിപണിയില്‍ ലഭിക്കാന്‍ തുടങ്ങി. നല്ല വെയില്‍വേണം. നിലത്തു നടാം.

ചെമ്പരത്തിയുടെ കുടുംബത്തില്‍പെട്ട ചെടിയാണിത്. ഭംഗിയുള്ള പൂക്കള്‍ താഴേക്ക് വിടര്‍ന്നു നില്‍ക്കും. ഒറ്റയ്‌ക്കോ കൂട്ടമായോ നടാം. കമ്പു മുറിച്ചു നട്ടും പുതിയ ചെടികള്‍ സൃഷ്ടിക്കാം. പുതിയ ചെടിയായതിനാല്‍ വില അല്പം കൂടുതലാണ്. പുതിയ ചെടിയായതിനാല്‍ വില അല്പം കൂടുതലാണ്. വലിയ ചെടിക്ക് 500 രൂപ വരും. വെയില്‍ നന്നായി ലഭിച്ചാല്‍ നിറയെ പൂക്കളുണ്ടാകും.സാധാരണ ചെത്തിയുടെ പുതിയ പതിപ്പാണിത്. പൂക്കള്‍ തിങ്ങി നിറഞ്ഞ വലിയ പൂങ്കുലകളാണ് ഈ ചെടിയെ ആകര്‍ഷകമാക്കുന്നത്. പൂങ്കുലകള്‍ക്ക് തീക്ഷ്ണമായ ചുവന്ന നിറമാണ്.

പൊഴിയാതെ കൂടുതല്‍ കാലം നില്‍ക്കുകയും ചെയ്യും. രണ്ട്-മൂന്ന് അടി ഉയരം വരും. രോഗങ്ങളുടെയും കീടങ്ങളുടെയും ശല്യം താരതമ്യേന കുറവാണ്. പുല്‍ത്തകിടിക്ക് അരികിടാനും പുല്‍ത്തകിടിയുടെ നടുവില്‍ കൂട്ടമായി നടാനും അനുയോജ്യമാണ്. മഴക്കാലം ഉള്‍പ്പെടെ എല്ലാ കാലത്തും നല്ല രീതിയില്‍ പൂക്കള്‍ ലഭിക്കുമെന്നതും ഇതിനെ പ്രിയങ്കരമാക്കുന്നു. നല്ല വെയില്‍ ലഭിക്കണം. ചെടികള്‍ കൂട്ടമായി നടുന്നതാണു ഭംഗി. ഏകദേശം 60 രൂപയ്ക്ക് ചെറിയ തൈ ലഭിക്കും. വലുതിന് 250 രൂപ വരും. കമ്പുനട്ട് പുതിയ ചെടികള്‍ ഉല്‍പാദിപ്പിക്കാം. തേനീച്ചകളെ വളരെയധികം ആകര്‍ഷിക്കുന്ന ചെടിയാണിത്.

നിലത്തു കൂട്ടമായി നടാവുന്ന ചെടിയാണിത്. ഇടയ്ക്കിടെ കമ്പുകോതിക്കൊടുത്താല്‍ നന്നായി പൂക്കളുണ്ടാകും. െവയില്‍ നന്നായി കിട്ടണം. രോഗകീടബാധകള്‍ കുറവാണ്. വെള്ളം കെട്ടിക്കിടക്കാതെ നോക്കണം എന്നുമാത്രം. വയലറ്റ് നിറത്തിലുള്ള കതിരുപോലെയുള്ള ചെറിയ പൂക്കളാണിതിന്. ചെടിക്ക് ഒന്നിന് ഏകദേശം 50 രൂപ വിലവരും. കമ്പു മുറിച്ചു നട്ട് പുതിയ ചെടികള്‍ ഉല്‍പാദിപ്പിക്കാം. ഇലകളുടെ നിറത്താല്‍ ആകര്‍ഷകമാണ് ലാറോപെറ്റാലം.

ഏകദേശം രണ്ട് അടിപൊക്കം വയ്ക്കും. ഡീപ് പര്‍പ്പിള്‍ നിറമാണ് ഇതിന്റെ ഇലകള്‍ക്ക്. പിങ്ക് നിറമുള്ള പൂക്കളും ഉണ്ടാകും. നല്ല വെയില്‍ ലഭിച്ചാല്‍ ഇലകളുടെ ചന്തമേറും. തണലില്‍ വളര്‍ത്താന്‍ അനുയോജ്യമല്ല ഈ ചെടി. ലോണിന്റെ നടുവില്‍ ബോള്‍സ് ആയി വെട്ടിനിര്‍ത്താന്‍ അനുയോജ്യമായ ചെടിയാണ്. നാലോ അഞ്ചോ ചെടികള്‍ ഒരുമിച്ചു നട്ട്, ഒരുമിച്ച് ആകൃതി വരുത്തുകയുമാകാം. അല്പം വിലക്കൂടുതലുള്ള ചെടിയാണിത്. ഒരെണ്ണത്തിന് ഏകദേശം 300 രൂപ വരും. കമ്പുമുറിച്ചു നട്ടാല്‍ പിടിക്കുന്നുണ്ട്.

പൂന്തോട്ടത്തില്‍ വലിയ പൂക്കള്‍ വേണമെന്ന് ആഗ്രഹമുണ്ടെങ്കില്‍ മെഡിനെല്ല അനുയോജ്യമായിരിക്കും. പിങ്ക് നിറത്തിലുള്ള കുലകളായി തൂങ്ങിക്കിടക്കുന്ന പൂക്കളാണ് മെഡിനെല്ലയുടേത്. കുറ്റിച്ചെടിയാണിത്. ചട്ടിയില്‍ നടാം. ഇരുണ്ട പച്ച നിറമുള്ള വലിയ ഇലകളാണ്. ഇടത്തരം വെയില്‍ ലഭിച്ചാല്‍ മതി. കാര്യമായ അസുഖങ്ങളൊന്നും ഇതിനെ ബാധിക്കാറില്ല. ഒറ്റയായോ കൂട്ടമായോ നടാം. ബാല്‍ക്കണിയില്‍ വയ്ക്കാനും യോജിക്കും തൂക്കിയിടുന്ന ചട്ടികളിലും വളര്‍ത്താം.

ഇഞ്ചിയുടെ കുടുംബത്തില്‍പെട്ട മറ്റൊരു ചെടിയാണിത്. ഏത് പ്രതികൂല സാഹചര്യത്തെയും അതിജീവിക്കും. ഇടയ്ക്കിടെ വെട്ടിനിര്‍ത്തിയാല്‍ പുതിയ തളിരില്‍ നിന്ന് പൂക്കള്‍ ഉണ്ടാകും. സൂര്യപ്രകാശം ലഭിച്ചാല്‍ മതി. കത്തുന്ന വെയില്‍ വേണമെന്നില്ല. അതു കൊണ്ടു തന്നെ അധികം വെയില്‍ ലഭിക്കാത്ത ഇടങ്ങളിലും നടാം. വലിയ പരിചരണം ആവശ്യമില്ല. കമ്പു നട്ടും പ്രജനനം നടത്താം. കാന്‍ഡില്‍ ജിഞ്ചര്‍, സ്‌പൈറല്‍ ജിഞ്ചര്‍ എന്നീ വെറൈറ്റികളുണ്ട്. കാറ്റാടിയുടെ (ചൂളമരം) കുടുംബമാണ് കാഷ്വറീന.

ഏത് ആകൃതിയിലും വെട്ടി നിര്‍ത്താന്‍ സാധിക്കുമെന്നതാണ് ഇതിന്റെ ഗുണം. ബോള്‍ പോലെയോ കോണ്‍ ആകൃതിയിലോ ഒക്കെ പൂന്തോട്ടത്തിന്റെ ശ്രദ്ധാകേന്ദ്രമാക്കി മാറ്റാം. ഈ ചെടിയെ ഒറ്റയ്ക്കാണ് നടുന്നത്. കാഷ്വറീനയുടെ ഏറ്റവും വലിയ പ്രത്യേകത അതിന്റെ സവിശേഷ നിറമാണ്. പച്ച കൂടാതെ മഞ്ഞ, വെള്ള, പച്ചയും വെള്ളയും ഇടകലര്‍ന്നത് എന്നീ നിറങ്ങളിലെല്ലാം ലഭിക്കും. വില അല്പം കൂടുതലാണ്. 1500 രൂപ മുതല്‍ വരും. പരിചരണം കാര്യമായി ആവശ്യമില്ല. നനയുടെ ആവശ്യവുമില്ല. നല്ല വെയില്‍ ലഭിക്കണമെന്നതാണ് നടുമ്പോള്‍ ശ്രദ്ധിക്കേണ്ട ഏകകാര്യം.

കണിക്കൊന്നയുടെ പൂപോലെ മഞ്ഞ നിറമുള്ള കുലകളായാണ് ഈ ചെടിയില്‍ പൂക്കള്‍ കാണപ്പെടുന്നത്. പൂക്കള്‍ താഴേക്ക് തൂങ്ങിക്കിടക്കും. ചെറുതായി വള്ളി പടരുന്ന സ്വഭാവം കാണിക്കുന്ന ഈ ചെടിചട്ടിയില്‍ വയ്ക്കാം. വലിയ വെയില്‍ വേണമെന്ന നിര്‍ബന്ധമില്ലാത്ത ചെടികൂടിയാണിത്. പോളി ഹൗസില്‍ വരെ വളര്‍ത്താം. ഒറ്റയ്‌ക്കോ കൂട്ടമായോ നടാം. കമ്പ് മുറിച്ചു നട്ട് കൂടുതല്‍ ചെടികള്‍ ഉല്‍പാദിപ്പിക്കാം.

വേനലില്‍ ധാരാളം പൂവിടും. ചീര എന്ന് പരക്കെ അറിയപ്പെടുന്ന ഇലചെടിയാ ണിത്. ചീരയുടെ നിറത്തിലും പച്ച നിറത്തിലും ധാരാളം ലഭിച്ചിരുന്ന ആള്‍ട്ടനാന്ത്രയുടെ വിവിധ വര്‍ണങ്ങള്‍ ഇപ്പോള്‍ ലഭിക്കും. ഇളംപച്ച, കടുംപച്ച, വെള്ള, ചുവപ്പിന്റെയും പര്‍പ്പിളിന്റെയും വിവിധ നിറഭേദങ്ങള്‍ ഇവയെല്ലാം ഇപ്പോള്‍ ലഭ്യമാണ്. ബോര്‍ഡറായും ബെഡ് ഇടാനും അനുയോജ്യമാണ്. നല്ല വെയില്‍വേണം. നനയും.