ഓപ്പൺ ജിമ്മിൽ വ്യായാമം ചെയ്യുന്നത് പ്രേതങ്ങളോ....? സത്യാവസ്ഥ ഇതാണ്, വെളിപ്പെടുത്തി പോലീസ് രംഗത്ത്
കോറോണക്കാലത്ത് ഒത്തിരിയേറെ വ്യാജവാർത്തകളാണ് പുറത്തേക്ക് വരുന്നത്. ഏറെ ദിവസങ്ങളായി വ്യായാമം ചെയ്യുന്ന പ്രേതം എന്ന പേരില് സോഷ്യല് മീഡിയകളില് പ്രചരിക്കുന്ന വീഡിയോയുടെ പിന്നിലെ സത്യം വെളിപ്പെടുത്തി യുപി പോലീസ് രംഗത്ത് എത്തിയിരിക്കുകയാണ്. എന്നാൽ അമിതമായി ഗ്രീസ് ഉപയോഗിച്ചതാണ് വ്യായാമം ചെയ്യുന്ന മെഷീന് തനിയെ പ്രവര്ത്തിക്കാന് കാരണമെന്ന് പോലീസ് വ്യക്തമാക്കിയിരിക്കുകയാണ്. അത് മാത്രമല്ല ഇത്തരത്തിൽ ഭീതി പരത്തുന്ന വിധത്തില് വീഡിയോ പ്രചരിപ്പിച്ചവര്ക്ക് എതിരെ നിയമനടപടി ഉണ്ടാകുമെന്നും പോലീസ് അറിയിക്കുകയുണ്ടായി.
അതേസമയം ജിമ്മിലെ ഉപകരണം തനിയെ പ്രവര്ത്തിക്കുന്നതും ചുറ്റിനും പോലീസ് ഉദ്യോഗസ്ഥര് നില്ക്കുന്നതുമായിട്ടുള്ള വീഡിയോയാണ് കുറച്ച് ദിവസങ്ങളായി സോഷ്യല് മീഡിയകളില് വ്യാജസന്ദേശം നൽകിക്കൊണ്ട് പ്രചരിച്ചത്. 'യുപിയിലെ ഝാന്സിയിലുള്ള ഓപ്പണ് ജിമ്മില് പ്രേതങ്ങള് വ്യായാമം ചെയ്യുന്നു' എന്ന കുറിപ്പിനൊപ്പമാണ് 20 സെക്കന്റ് ദൈര്ഘ്യമുള്ള വിഡിയോ വ്യാപകമായി സാമൂഹ്യമാധ്യമങ്ങളിൽ പ്രചരിച്ചത്. എന്നാൽ വീഡിയോ ചര്ച്ചയായതോടെയാണ് പോലീസ് രംഗത്തെത്തിയത്.
നന്ദന്പുരയിലെ കാന്ഷിറാം പാര്ക്കില് നിന്നുള്ളതാണ് ഈ വിഡിയോ എന്നാണ് ലഭ്യമാകുന്ന വിവരം. ഒരു തവണ ചലിപ്പിച്ചാല് മെഷീന് തനിയെ പ്രവര്ത്തിക്കും. ഇത്തരത്തിൽ വാര്ത്ത അറിഞ്ഞ് പോലീസ് പരിശോധനയ്ക്കായി എത്തിയിരുന്നു. എന്നാൽ പ്രാങ്ക് ചെയ്യലായിരുന്നു ലക്ഷ്യം എന്ന് പോലീസ് കണ്ടെത്തി. ഇത്തരത്തിൽ പോലീസ് പരിശോധന നടത്തുന്നതിന്റെ ദൃശ്യങ്ങളാണ് ആരോ ഷൂട്ട് ചെയ്ത് പ്രേതം വ്യായാം ചെയ്യുന്നു എന്ന പേരില് പ്രചരിപ്പിച്ചത്.
https://www.facebook.com/Malayalivartha