കെ.സുധാകരന് കെ.പി.സി.സി പ്രസിഡന്റ്; തീരുമാനം രാഹുല് ഗാന്ധി കെ. സുധാകരനെ അറിയിച്ചു; എ.കെ. ആന്റണിയുടേയും കെ.സി. വേണുഗോപാലിന്റെയും അഭിപ്രായം നിര്ണായകമായി;
പുതിയ കെ.പി.സി.സി. പ്രസിഡന്റായി കെ സുധാകരനെ തിരഞ്ഞെടുത്തു. അവസാനനിമിഷം അട്ടിമറി സാധ്യതകള് എല്ലാം അതിജീവിച്ചാണ് കെ. സുധാകരന് പ്രസിഡന്റായി തിരഞ്ഞെടുക്കപ്പെട്ടത്. ഇക്കാര്യം രാഹുല് ഗാന്ധി കെ.സുധാകരനെ ഫോണില് വിളിച്ച് ഔദ്യോഗികമായി തന്നെ അറിയിച്ചു. കേരളത്തിലെ നേതാക്കളില്നിന്ന് അഭിപ്രായം ആരാഞ്ഞ താരിഖ് അന്വര് സംസ്ഥാന നേതാക്കളുമായി നടത്തിയ ആശയവിനിമയത്തിന്റെ അടിസ്ഥാനത്തില് ഭൂരിപക്ഷ പിന്തുണ സുധാകരനാണ് എന്ന റിപ്പോര്ട്ടാണ് നല്കിയത്.
മുതിര്ന്ന നേതാക്കളായ രമേശ് ചെന്നിത്തലയും ഉമ്മന് ചാണ്ടിയും മൗനം പാലിച്ചതല്ലാതെ ആരുടെയും പേര് നിര്ദേശിച്ചില്ലെന്നും റിപ്പോര്ട്ടിലുണ്ട്. ചില നേതാക്കള് കെ.സി. വേണുഗോപാലിന്റെയും കെ. മുരളീധരന്റെയും പി.ടി. തോമസിന്റെയും പേര് നിര്ദേശിച്ചിരുന്നു. സോണിയ ഗാന്ധിക്ക് സമര്പ്പിച്ച റിപ്പോര്ട്ടില് അന്തിമ ചര്ച്ചയില് എ.കെ. ആന്റണിയുടേയും സംഘടനാ ചുമതലയുള്ള ജനറല് സെക്രട്ടറി കെ.സി. വേണുഗോപാലിന്റെയും അഭിപ്രായമാണ് നിര്ണായകമായത്. ഇതോടെ കെ. സുധാകരന് തിരഞ്ഞെടുക്കപ്പെടുകയായിരുന്നു.
ആന്റണിയുടെ പിന്തുണ സുധാകരന് അനുകൂലമാണെന്നാണ് നേരത്തെ തന്നെയുള്ള സൂചനകള് ഉണ്ടായിരുന്നു. കെ.സി. വേണുഗോപാലുമായി സുധാകരനുള്ള ബന്ധം അത്ര ഇഴയടുപ്പമുള്ളതല്ലെങ്കിലും ആ കടമ്പ മറികടന്നാണ് സുധാകരന്റെ സ്ഥാന ലപ്ധി. തിരഞ്ഞെടുപ്പിന് ശേഷം കാര്യമായി പ്രതികരണത്തിന് തയ്യാറാകാത്ത കെ. സുധാകരന് തലസ്ഥാനത്ത് തന്നെയാണുള്ളത്. പ്രവര്ത്തകര്ക്ക് ആവേശം നിറയ്ക്കാന് കഴിയുന്ന നേതാവ് എന്നതാണ് സുധാകരന് മുന്തൂക്കം ലഭിച്ചു.
അതേസമയം പ്രസിഡന്റ് സ്ഥാനത്തേക്ക് പരിഗണിക്കപ്പെട്ട പി.ടി. തോമസ് വര്ക്കിങ് പ്രസിഡന്റായി വന്നേക്കും. കുറഞ്ഞത് മൂന്ന് വര്ക്കിങ് പ്രസിഡന്റുമാര് കൂടി നിയമിക്കപ്പെട്ടേക്കും. സാമുദായിക സമവാക്യം കൂടി കണക്കിലെടുത്താകും ഈ നിയമനം.
കൊടിക്കുന്നില് സുരേഷ്, ടി.സിദ്ദിഖ് എന്നിവര് വര്ക്കിങ് പ്രസിഡന്റുമാരായേക്കും. അഞ്ച് വര്ക്കിങ് പ്രസിഡന്റുമാര് വന്നാല് പി.സി. വിഷ്ണുനാഥിനും സാധ്യതയുണ്ട്. പി.ടി. തോമസ് അല്ലെങ്കില് റോജി എം. ജോണിനോ ഹൈബി ഈഡനോ സാധ്യതയുണ്ട്. മുന്നണി കണ്വീനറായി ബെന്നി ബെഹനാന് തിരിച്ചെത്താനും സാധ്യതയുണ്ട്.
https://www.facebook.com/Malayalivartha
