പരസ്യചിത്ര മോഡലായ യുവതിയെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. നടിയും മോഡലുമായ കാസർകോട് സ്വദേശിനി ഷഹനയെന്ന 20കാരിയെയാണ് കോഴിക്കോട് പറമ്പിൽ ബസാറിലെ വാടക വീട്ടിൽ മരിച്ച നിലയിൽ കണ്ടെത്തിയത്. കഴിഞ്ഞ ദിവസം രാത്രിയോടെ വാടകവീട്ടിലായിരുന്നു സംഭവം നടന്നത്.

അസ്വാഭാവിക മരണത്തിനു കേസെടുത്ത പൊലീസ് ഭർത്താവ് സജ്ജാദിനെ കസ്റ്റഡിയിൽ എടുത്തു ചോദ്യം ചെയ്യുകയാണ്. ജനലഴിയിൽ തൂങ്ങിയ നിലയിലായിരുന്നു മൃതദേഹം. ഷഹനയും സജ്ജാദും തമ്മിൽ വഴക്കുണ്ടാകുമായിരുന്നുവെന്നും കൊലപാതകമാണെന്നു സംശയിക്കുന്നതായും ഷഹനയുടെ ബന്ധുക്കൾ പറഞ്ഞു.

ഇരുവരും തമ്മിൽ വഴക്ക് പതിവായിരുന്നുവെന്ന് ബന്ധുക്കൾ പരാതി ഉന്നയിച്ചിട്ടുണ്ട്. മരണത്തിൽ ദുരൂഹതയുണ്ടെന്ന് ബന്ധുക്കൾ ആരോപിച്ചിട്ടുണ്ട്. ഷഹനയുടെ മാതാവ് മകളെ കൊന്നത് ഭർത്താവ് തന്നെയാണ് എന്നുള്ള ആരോപണമാണ് ഉയർത്തിയിരിക്കുന്നത്. പണം ആവശ്യപ്പെട്ട് നിരവധി തവണ തൻരെ മകളെ പീഡിപ്പിച്ചിരുന്നതായി ആരോപിക്കുന്നുണ്ട്.

പണത്തിനുവേണ്ടി നിരന്തരം മകളെ ഭർത്താവ് സജാദ് ഉപദ്രവിച്ചിരുന്നുവെന്ന് ഷഹനയുടെ മാതാവ് ആരോപിച്ചു. സജാദും ഷഹാനയും തമ്മിൽ വിവാഹം കഴിഞ്ഞിട്ട് ഒന്നരവർഷമായി. ഇതിനിടയിൽ കുടുംബവുമായി നേരിട്ട് കാണാൻ പോലും പറ്റിയിരുന്നില്ല. കോഴിക്കോട് എത്തുമ്പോൾ സജാദിന്റെ സുഹൃത്തുക്കൾ പിന്തുടർന്ന് തിരിച്ചയക്കുകയായിരുന്നു.

തൊട്ടടുത്തുള്ള വീട്ടുകാർ രാത്രി വിളിച്ചറിയിച്ചാണ് മകളുടെ മരണ വിവരം അറിഞ്ഞതെന്നും കുടുംബം പറയുന്നു. ഒരു വർഷം മുമ്പായിരുന്നു ഷഹനയുടെയും സജ്ജാദിന്റെയും വിവാഹം. രണ്ടു മാസം മുമ്പാണ് ഇവർ‌ പറമ്പിൽ ബസാറിൽ വാടകയ്ക്കു താമസിക്കാനെത്തിയത്. ചില ജ്വല്ലറികളുടെ പരസ്യങ്ങളിൽ മോഡലായിരുന്ന ഷഹന ചില തമിഴ് ചിത്രങ്ങളിലും അഭിനയിച്ചിട്ടുണ്ട്. സിനിമയിൽ അഭിനയിച്ച ശേഷം പ്രതിഫലത്തെ ചൊല്ലി സജ്ജാദുമായി വഴക്കുണ്ടായിട്ടുള്ളതായും വിവരമുണ്ട്.