വീടിനു മുന്നിലായി കളിച്ചു കൊണ്ടിരിക്കെ 80 അടി ആഴമുള്ള കിണറിലേക്കു വീണ കുട്ടിയെ മണിക്കൂറുകള്‍ നീണ്ട പരിശ്രമങ്ങള്‍ക്കൊടുവില്‍ രക്ഷപ്പടുത്തി. ഛത്തീസ്ഗഡിലാണ് സംഭവം.

110 മണിക്കൂര്‍ നീണ്ടുന്ന പരിശ്രമങ്ങള്‍ക്കൊടുവിലാണ് കുട്ടിയെ രക്ഷപ്പെടുത്താനായത്. 11 വയസുള്ള രാഹുല്‍ സാഹുവിനെയാണ് രക്ഷപ്പെടുത്തിയത്.

സംസാര, കേള്‍വി പ്രശ്‌നങ്ങളുള്ള രാഹുല്‍ വീടിനു സമീപത്തായി കളിക്കുമ്പോഴാണ് 80 അടി ആഴമുള്ള കിണറിലേക്കു വീണു പോയത്.

വെള്ളിയാഴ്ച ഛത്തീസ്ഗഡിലെ ജഞ്ച്ഗിര്‍ ചമ്പ ജില്ലയിലായിരുന്നു സംഭവം നടന്നത്. അറുപതടി താഴ്ചയില്‍ കുടുങ്ങിക്കിടക്കുകയായിരുന്നു കുട്ടി.

കഴിഞ്ഞ വെള്ളിയാഴ്ച വൈകുന്നേരം തുടങ്ങിയ രക്ഷാപ്രവര്‍ത്തനത്തില്‍ ദേശീയ ദുരന്ത നിവാരണ സേന, സൈന്യം, പോലീസ്, പ്രാദേശിക ഭരണകൂടം എന്നിവയുടെ അഞ്ഞൂറിലേറെ പേരാണ് രക്ഷാപ്രവര്‍ത്തനത്തില്‍ പങ്കെടുത്തു.