കൂട്ടത്തോടെ വിദേശി കുടുംബങ്ങള് നാട്ടിലേക്ക്... സൗദിയില് സ്വകാര്യ സ്കൂളുകള് പ്രതിസന്ധിയില്, സൗദിയിലെ ഇന്റര്നാഷണല് ഇന്ത്യന് സ്കൂളുകളിലും കൊഴിഞ്ഞുപോക്ക് രൂക്ഷം
സ്വദേശിവത്കരണവും ആശ്രിത ലെവിയും കാരണം വിദേശി കുടുംബങ്ങള് കൂട്ടത്തോടെ മടങ്ങുന്നത് സൗദി അറേബ്യയിലെ സ്വകാര്യ സ്കൂളുകളെ പ്രതിസന്ധിയിലാക്കുന്നു. കുട്ടികളുടെ എണ്ണം വളരെയധികം ഗണ്യമായി കുറഞ്ഞതാണ് പ്രതിസന്ധിക്ക് കാരണം.
ഈ അധ്യയന വര്ഷത്തിന്റെ അവസാനത്തോടെ നൂറുകണക്കിന് വിദേശി കുടുംബങ്ങളാണ് നാട്ടിലേക്ക് മടങ്ങുന്നത്. കുട്ടികള് കുറഞ്ഞതിനാല് അടുത്ത അധ്യയന വര്ഷം ഫീസ് വര്ധിപ്പിക്കാതെ സ്വകാര്യ സ്കൂളുകള്ക്ക് പ്രവര്ത്തിക്കാനാവില്ലെന്ന് ഉടമകള് പറയുന്നു. ഇതിനകം പല സ്കൂളുകളുടെയും പ്രവര്ത്തനം താളംതെറ്റിയിട്ടുണ്ട്.
രാജ്യത്തെ 60 ശതമാനം സ്കൂളുകളില് 7,000 മുതല് 13,000 റിയാല് വരെയാണ് വാര്ഷിക ഫീസ് ഈടാക്കുന്നത്. എന്നാല്, അധ്യാപകര്ക്ക് ശമ്പളം വിതരണം ചെയ്യാന് പോലും കഴിയാത്ത അവസ്ഥയിലാണ്. സൗദിയിലെ ഇന്റര്നാഷണല് ഇന്ത്യന് സ്കൂളുകളിലും കൊഴിഞ്ഞുപോക്ക് രൂക്ഷമാണ്. ഇന്ത്യന് എംബസിയുടെ നിയന്ത്രണത്തിലുള്ള കമ്യൂണിറ്റി സ്കൂളുകളില് 30 ശതമാനം വരെ വിദ്യാര്ഥികളുടെ കുറവുണ്ട്. സി.ബി.എസ്.ഇ. പാഠ്യപദ്ധതിയനുസരിച്ച് പ്രവര്ത്തിക്കുന്ന ചില സ്വകാര്യ സ്കൂളുകളില് 50 ശതമാനം വരെ വിദ്യാര്ഥികളുടെ കുറവുണ്ട്.
https://www.facebook.com/Malayalivartha