ഒമാനില് വിസ റദ്ദാക്കാതെ രാജ്യം വിടുന്നവര് ജാഗ്രതൈ! മുന്നറിയിപ്പുമായി ഒമാന് പോലീസ് അധികൃതര്
വിവിധ കാരണങ്ങളാല് രാജ്യം വിടുന്നവര് വിസ റദ്ദാക്കണമെന്ന് റോയല് ഒമാന് പൊലീസ് അധികൃതരുടെ മുന്നറിയിപ്പ് . വിസ റദ്ദാക്കാതെ രാജ്യം വിടുന്നത് വീണ്ടും ഒമാനില് പ്രവേശിക്കുന്നതിന് തടസ്സമുണ്ടാക്കുമെന്നും മറ്റു നിരവധി നിയമപ്രശ്നങ്ങള്ക്ക് കാരണമാക്കുമെന്നും റോയല് ഒമാന് പൊലീസ് മുന്നറിയിപ്പ് നല്കി.
വിസ കാന്സല് ചെയ്യാതെ രാജ്യം വിടുന്നവര്ക്ക് രണ്ടു വര്ഷം കഴിഞ്ഞാലും പുതിയ സ്പോണ്സര്ക്ക് കീഴില് ഒമാനില് പ്രവേശിക്കാന് കഴിയില്ല.അതിനാല് പുതിയ വിസയില് വരാന് ആഗ്രഹിക്കുന്നവര് രാജ്യം വിടുമ്പോള് വിസ കാന്സല് ചെയ്ത് പോവണമെന്ന് റോയല് ഒമാന് പൊലീസ് ആവശ്യപ്പെടുന്നു. വിസ റദ്ദാക്കാതെ ഒമാന് വിടുന്നവര്ക്ക് വിസിറ്റ് വിസ അടക്കം ഒരു വിസയും ലഭിക്കില്ല.
രാജ്യം വിട്ട് രണ്ടുവര്ഷം കഴിഞ്ഞാല് പോലും ഇത്തരക്കാര്ക്ക് വിസ ലഭിക്കില്ലെന്നും പൊലീസ് വ്യക്തമാക്കി. നിലവിലെ സ്പോണ്സര് എന്.ഒ.സി നല്കുകയാണെങ്കില് പുതിയ സ്പോണ്സറുടെ കീഴില് ജോലിചെയ്യാന് വിസ ലഭിക്കുന്ന നിയമം ഇപ്പോഴും പ്രാബല്യത്തിലുണ്ടെന്നും ആര്.ഒ.പി വ്യക്തമാക്കി. രാജ്യംവിട്ട് പോവുമ്പോള് സ്പോണ്സറുടെ അറിേവാടെ വിമാനത്താവളം വിടുന്നതാണ് ഉത്തമം. വിസ റദ്ദാക്കാതിരിക്കുന്നാല് ഒമാനില് വീണ്ടും പ്രവേശനം നിഷേധിക്കപ്പെടുന്നതിനൊപ്പം നിലവിലെ സ്േപാണ്സര് വ്യാജപരാതികള് നല്കാനും സാധ്യതയുണ്ട്.
വിസ റദ്ദാക്കി രാജ്യംവിടുന്നതാണ് എപ്പോഴും സുരക്ഷിതമെന്ന് നിയമ വിദഗ്ധരും പറയുന്നു. അല്ലാത്തപക്ഷം ജീവനക്കാര് നിയമപ്രശ്നത്തില്പെടാന് സാധ്യതയുണ്ട്. സ്േപാണ്സര് അറിയാതെ ജീവനക്കാര് രാജ്യംവിടുന്നത് വ്യാജ കേസുകള് രജിസ്റ്റര് ചെയ്യപ്പെടാനും അതുവഴി നിയമനടപടികളില് കുടുങ്ങാനും സാധ്യതയുണ്ട്. ഏതെങ്കിലും ജി.സി.സി രാജ്യങ്ങളില് കുറ്റകൃത്യങ്ങളില് ഏര്പ്പെടുകയോ കേസ് നിലനില്ക്കുകയോ ചെയ്യുന്ന വിദേശികള്ക്ക് എല്ലാ ഗള്ഫ് രാഷ്ട്രങ്ങളിലും പ്രവേശനം നിഷേധിക്കുന്നതടക്കമുള്ള നിയമങ്ങള് നിലവില്വരാന് സാധ്യതയുള്ളതിനാല് കൂടുതല് ജാഗ്രത പാലിക്കണം.
കൂടാതെ സാമ്പത്തിക തട്ടിപ്പുമായി രാജ്യംവിടുന്നവരുടെ എണ്ണവും വര്ധിച്ചിട്ടുണ്ട്. സ്പോണ്സര് അറിയാതെ രാജ്യംവിടുന്ന വ്യാപാരികളുടെ എണ്ണവും വര്ധിച്ചിട്ടുണ്ട്. ഈ സാഹചര്യത്തില് അധികൃതര് നിയമം ശക്തമായി നടപ്പാക്കാനാണ് സാധ്യത.
"
https://www.facebook.com/Malayalivartha
