സ്വപ്നനഗരിയായ ദുബായില് ഇനി ഡ്രൈവറില്ലാ കാറുകള്...
സ്വപ്ന നഗരിയായ ദുബായില് ഇനി ഡ്രൈവറില്ലാ കാറുകള് നിരത്തിലെത്തുന്നു. ടാക്സികളില് കയറുന്ന യാത്രക്കാര്ക്ക് ഇനി ഡ്രൈവറെ കാണാനാകില്ല. അടുത്ത മാസം മുതല് ദുബായ് സിലിക്കണ് ഒയാസിസില് ഡ്രൈവറില്ലാ കാറുകള് പരീക്ഷിക്കുമെന്ന് റോഡ് ട്രാന്സ്പോര്ട്ട് അതോറിറ്റി(ആര്.ടി.എ) അറിയിച്ചു. മൂന്ന് മാസത്തെ പരീക്ഷണത്തിന് ശേഷം ഡ്രൈവറില്ലാ ടാക്സികള് നഗരത്തിന്റെ മറ്റ് ഭാഗങ്ങളിലേക്ക് കൂടി വ്യാപിപ്പിക്കും. 2030 ആകുമ്പോഴേക്കും ദുബായിലെ ടാക്സി കാറുകളെല്ലാം െ്രെഡവറില്ലാതെ പ്രവര്ത്തിക്കുന്നവയാകും എന്നാണ് കരുതുന്നത്.
മുന് നിശ്ചയിച്ച പ്രകാരം ദുബായ് സിലിക്കണ് ഒയാസിസ് മേഖലയില് വാഹനം പരീക്ഷണം നടത്തുമെന്ന് ആര്.ടി.എ ഡയറക്ടര്മാരില് ഒരാളായ ഖാലിദ് അല് അവാദിയാണ് യു.എ.ഇ മാദ്ധ്യമങ്ങളോട് വ്യക്തമാക്കിയത്. മൂന്ന് മാസത്തെ പരീക്ഷണത്തിന് ശേഷം രാജ്യത്തിന്റെ കൂടുതല് പ്രദേശങ്ങളിലേക്ക് വ്യാപിപ്പിക്കുന്നതിനെക്കുറിച്ച് ആലോചിക്കും.
ദുബായ് സിലിക്കണ് ഒയാസിസും ഡിജി വേള്ഡ് ഫോര് റോബോട്ട്സ് ആന്ഡ് ആര്ട്ടിഫിഷ്യല് ഇന്റലിജന്സും ചേര്ന്നാണ് ബെന്സിന്റെ ഇ ക്ലാസ് മോഡലില് ഡ്രൈവറില്ലാതെ പ്രവര്ത്തിക്കുന്ന ടാക്സി സംവിധാനം ഒരുക്കിയത്.
https://www.facebook.com/Malayalivartha