സോഷ്യൽ മീഡിയ ഉപയോഗിക്കുന്നതിന് കുവൈറ്റിൽ നീതിന്യായ മന്ത്രാലയം പ്രായപരിധി നിശ്ചയിച്ചു. സോഷ്യൽ മീഡിയ ഉപയോഗിക്കുന്നതിനുള്ള കുറഞ്ഞ പ്രായപരിധി 13 ആണെന്ന് നീതിന്യായ മന്ത്രാലയത്തിന്റെ പുതുക്കിയ മാർഗനിർദേശത്തിൽ വ്യക്തമാക്കി. കുട്ടികളെ വാണിജ്യ സംബന്ധമായ പരസ്യങ്ങൾക്ക് ഉപയോഗിക്കുന്നതിനും കർശന നിയന്ത്രണമുണ്ട്. ഇവ പാലിക്കപ്പെടുന്നുവെന്ന് ഉറപ്പാക്കണമെന്നും അറ്റോർണി ജനറൽ ദറാർ അൽ അസൂസി മുന്നറിയിപ്പ് നൽകി.

കുട്ടികളെ വാണിജ്യ സംബന്ധമായ പരസ്യങ്ങള്‍ക്ക് ഉപയോഗിക്കുന്നതിനും കര്‍ശന നിയന്ത്രണമുണ്ട്. ഇവ പാലിക്കപ്പെടുന്നുവെന്ന് ഉറപ്പാക്കണമെന്നും അറ്റോര്‍ണി ജനറല്‍ ദറാര്‍ അല്‍ അസൂസി മുന്നറിയിപ്പ് നല്‍കി. ജീവകാരുണ്യ പ്രവര്‍ത്തനങ്ങള്‍, ആരോഗ്യ സംരക്ഷണം, വിദ്യാഭ്യാസ സംബന്ധിയായവ എന്നിങ്ങനെ പോസിറ്റിവായ സന്ദേശങ്ങള്‍ നല്‍കുന്ന പരസ്യങ്ങള്‍ക്കല്ലാതെ കുട്ടികളെ ഉപയോഗപ്പെടുത്താന്‍ പാടില്ല. കുട്ടികളുടെ സ്വകാര്യതയിലേക്കോ വ്യക്തിജീവിതത്തിലേക്കോ ഉള്ള കടന്നുകയറ്റമായി കണക്കാക്കാവുന്ന ഒന്നും പരസ്യത്തില്‍ അനുവദനീയമല്ല.

സാമ്പത്തിക നേട്ടത്തിനായി കുട്ടികളെ ഉപയോഗപ്പെടുത്തുന്നതും കുറ്റകരമാണ്. കുട്ടികള്‍ ആയുധം ഉപയോഗിക്കുന്ന പരസ്യം പാടില്ല. അടിവസ്ത്രങ്ങള്‍ മാത്രം ധരിച്ചുള്ളതോ നഗ്നമായതോ ആയ രൂപത്തില്‍ കുട്ടികളെ പ്രദര്‍ശിപ്പിക്കരതെന്നും അറ്റോര്‍ണി ജനറല്‍ നിര്‍ദ്ദേശിച്ചു.