ഇൻസ്റ്റാഗ്രാമിലൂടെ പിന്തുടരുന്ന ലോകനേതാക്കളുടെ പട്ടികയിൽ യു .എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂം
ലോകത്തിലെ ഏറ്റവും വലിയ സമൂഹ മാധ്യമങ്ങളിലൊന്നായ ഇൻസ്റ്റാഗ്രാമിൽ കൂടുതൽ ആളുകൾ പിന്തുടരുന്ന ലോകനേതാക്കളുടെ പട്ടികയിൽ യു .എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂം ഒൻപതാം സ്ഥാനത്ത്.
33 ലക്ഷം പേരാണ് ഇൻസ്റ്റാഗ്രാമിലൂടെ ദുബായ് ഭരണാധികാരിയെ പിന്തുടരുന്നത്. മുൻവർഷത്തെ അപേക്ഷിച്ച് അദ്ദേഹത്തെ പിന്തുടരുന്നവരുടെ എണ്ണം 23 ശതമാനം കൂടിയതായാണ് റിപ്പോർട്ട്.
ജോർദാനിലെ ക്വീൻറാണിയ കഴിഞ്ഞാൽ അറബ് മേഖലയിൽ ഏറ്റവും കൂടുതൽ ആളുകൾ പിൻതുടരുന്നതും ശൈഖ് മുഹമ്മദിനെയാണ്. സാമൂഹികമാധ്യമങ്ങളിൽ സജീവമായ ദുബായ് ഭരണാധികാരി ഇൻസ്റ്റാഗ്രാം വഴി പങ്കുവെക്കുന്ന ചിത്രങ്ങൾ നിമിഷനേരം കൊണ്ടാണ് വൈറൽ ആകുന്നത്.
അതേസമയം , ലോകനേതാക്കളിൽ ഏറ്റവും കൂടുതൽ ഇൻസ്റ്റാഗ്രാം ഫോളോവേഴ്സുള്ളത് ഇന്ത്യൻ പ്രധാനമന്ത്രി നരേന്ദ്ര മോദിക്കാണ്. ഇൻഡൊനീഷ്യൻ പ്രസിഡന്റ് ജോകോ വിഡോഡോ, യു .എസ്. പ്രസിഡന്റ് ഡൊണാൾഡ് ട്രംപ്, ഫ്രാൻസിസ് മാർപ്പാപ്പ തുടങ്ങിയവർ പട്ടികയിൽ നരേന്ദ്ര മോദിക്ക് ശേഷം സ്ഥാനംപിടിച്ചിട്ടുണ്ട്.
https://www.facebook.com/Malayalivartha