കനത്ത മഴയെ തുടര്‍ന്ന് കുവൈറ്റില്‍ വീടും സ്ഥലവും നശിച്ചവർക്ക്നല്‍കേണ്ട നഷ്ടപരിഹാരത്തെ കുറിച്ച് ഇന്നലെ ചേര്‍ന്ന കാബിനറ്റ് യോഗത്തില്‍ ചര്‍ച്ചചെയ്തു. കെട്ടിടങ്ങള്‍ക്കും വാഹനങ്ങള്‍ക്കും , വ്യക്തിഗത വസ്തുക്കള്‍ക്കും ഉണ്ടായ നാശനഷ്ടങ്ങളെ കുറിച്ച് കാബിനറ്റില്‍ സാമൂഹിക തൊഴില്‍ മന്ത്രി ഹിന്ദ് അല്‍ സബീഹ് വിശദീകരിച്ചതായി കാബിനറ്റ് മന്ത്രി അനസ് അല്‍ സലേഹ് അറിയിച്ചു.

പ്രധാനമന്ത്രി ഷെയ്ഖ് ജാബര്‍ മുബാറക് അല്‍ ഹമദ് അല്‍ സബാഹിന്റെ അധ്യക്ഷതയിലാണ് യോഗം ചേര്‍ന്നത്. സബാഹ് അല്‍ അഹമ്മദ് സിറ്റിയിലും , അല്‍ മംഗഫ് പാലത്തിനും , കിംഗ് ഫഹജ് ഹൈവേയ്ക്കും മഴക്കെടുതിയില്‍ ഉണ്ടായ കേടുപാടുകള്‍ പരിഹരിക്കണമെന്ന് അല്‍ സബീഹ് യോഗത്തില്‍ വിശദീകരിച്ചു.