പഫർ ഫിഷ് അപകടകാരികളാണ് ! ; മസ്കറ്റിൽ വിഷബാധയേറ്റ് ആറുപേരെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു
മസ്കറ്റിൽ വിഷമത്സ്യം കഴിച്ച് ആറുപേരെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചതായി റിപ്പോർട്ടുകൾ. പഫർ ഫിഷ് ഇനത്തിലെ മത്സ്യം കഴിച്ചവർക്കാണ് ആരോഗ്യപ്രശ്നങ്ങളുണ്ടായതെന്ന് അധികൃതർ വ്യകത്മാക്കി.
അതേസമയം വിഷമത്സ്യം കഴിച്ച് കടുത്ത വിഷബാധയേറ്റ ആറുപേർ ഗുരുതരാവസ്ഥയിലാണെന്നും രോഗനിയന്ത്രണ -നിരീക്ഷണ ഡയറക്ടറേറ്റ് ജനറൽ ഇക്കാര്യത്തിൽ ആവശ്യമായ നടപടികൾ സ്വീകരിച്ചിട്ടുണ്ടെന്നും ആരോഗ്യ മന്ത്രാലയം പുറത്തിറക്കിയ ഓൺലൈൻ പ്രസ്താവനയിൽ അറിയിച്ചു. മനുഷ്യരുടെ ഭക്ഷ്യോപയോഗത്തിന് യോജിച്ചതാണെന്ന് ഉറപ്പുള്ള മത്സ്യങ്ങളേ കഴിക്കാവൂ എന്ന് ദേശീയ വിഷ നിയന്ത്രണ കേന്ദ്രം ജനങ്ങളോട് നിർദേശിച്ചു.
അപകടകാരികളായ മീനുകളാണ് പഫർ ഫിഷ്. ഭക്ഷിക്കാൻ പോയിട്ട് സ്പർശിക്കാൻ പോലും പാടില്ല എന്നാണ് വിദഗ്ദർ അഭിപ്രായപ്പെടുന്നത്. കൈയുറകളില്ലാതെ തൊട്ടാൽ പോലും ആരോഗ്യ പ്രശ്നങ്ങളുണ്ടാക്കിയേക്കാവുന്ന ‘ഭീകരൻ’ മത്സ്യമാണ് പഫർ ഫിഷ്.
ഭൂമിയിലെ ഏറ്റവും വിഷം കൂടിയ കൊളംബിയൻ സ്വർണത്തവളക്ക് തൊട്ടു പിന്നിലാണ് വിഷത്തിന്റെ കാര്യത്തിൽ പഫർ ഫിഷുകളുള്ളത്. സ്റ്റോൺ ഫിഷ് എന്ന മത്സ്യത്തിനും മാരക വിഷമുണ്ടെങ്കിലും അവയുടെ വിഷം പാമ്പുകളുടേതു പോലെ രക്തക്കുഴലിൽ പ്രവേശിച്ചാൽ മാത്രമേ ആരോഗ്യപ്രശ്നമുണ്ടാക്കുന്നുള്ളൂ.
https://www.facebook.com/Malayalivartha