അറബിക്ക് ഭാഷയെ കുറിച്ച് ശാസ്ത്രീയമായി പഠനം നടത്താനൊരുങ്ങി യൂ .എ ഇ . നിലവിലെ അറബിക്ക് ഭാഷയുടെ അവസ്ഥയെയും ഭാവിയെക്കുറിച്ചുംമാണ് പഠനം നടത്താൻ തീരുമാനിച്ചിരിക്കുന്നത്.

യു.എ.ഇ. വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ശൈഖ് മുഹമ്മദ് ബിൻ റാഷിദ് അൽ മക്തൂം പദ്ധതി പ്രഖ്യാപിച്ചു . ലോക അറബിക്‌ ഭാഷ ദിനാചരണത്തോടനുബന്ധിച്ചാണ് പദ്ധതി പ്രഖ്യാപിച്ചിരിക്കുന്നത്.

പഠനംനടത്തി റിപ്പോർട്ട് സമർപ്പിക്കേണ്ട ഉത്തരവാദിത്വം സാംസ്കാരിക-വൈജ്ഞാനിക മന്ത്രാലയത്തിനാണ്. റിപ്പോർട്ട് അടുത്തവർഷം സമർപ്പിക്കണം.

അറബിക്‌ എന്ന അനശ്വരഭാഷ ആഘോഷിക്കാൻ ലോകത്തോടൊപ്പം യു.എ.ഇ.യും ചേരുന്നു.കൂടാതെ , ഗവേഷണങ്ങൾ, പഠനങ്ങൾ, പുതുക്കിയ സർക്കാർ നയങ്ങൾ എന്നിവയിലൂടെ ഭാഷയുടെ ഉന്നമനത്തിനായി പരിശ്രമിക്കുമെന്നും ശൈഖ് മുഹമ്മദ് ട്വിറ്ററിൽ കുറിച്ചു .

അറബിക്‌ കൃതികൾ മറ്റു ഭാഷകളിലേക്ക് മൊഴിമാറ്റം ചെയ്യുക, ശാസ്ത്രസംബന്ധമായ വിഷയങ്ങൾ മറ്റു ഭാഷകളിൽനിന്ന് അറബിയിലേക്ക് വിവർത്തനം ചെയ്യുക, അറബി സാഹിത്യം പ്രചരിപ്പിക്കുക തുടങ്ങിയവയാണ് ദേശീയ അജൻഡ പ്രകാരമുള്ള മറ്റ് ലക്ഷ്യങ്ങൾ.2010-ൽ ഐക്യരാഷ്ട്രസഭയാണ് അറബിക്‌ ഭാഷ ദിനാചരണം പ്രഖ്യാപിച്ചത്..