റാസല്‍ ഖൈമയില്‍ റെസ്‌ക്യൂ ഹെലികോപ്റ്റര്‍ തകര്‍ന്ന് വീണ് നാല് പേര്‍ മരിച്ചു. മൂന്ന് രക്ഷാപ്രവര്‍ത്തകരും ഒരു രോഗിയുമാണ് മരിച്ചത്. യുഎഇയിലെ ഏറ്റവും ഉയരം കൂടിയ പര്‍വത നിരയിലാണ് അപകടമുണ്ടായത്. മരിച്ചവരില്‍ മൂന്ന് പേരും യുഎഇ സ്വദേശികളാണ്. യുഎഇ സമയം വൈകുന്നേരം ആറരയോടെയാണ് നാഷണല്‍ ആംബുലന്‍സിന്റെ ഹെലികോപ്റ്റര്‍ അപകടത്തില്‍പ്പെട്ടത്.
ഹെലികോപ്റ്റര്‍ നിയന്ത്രണം വിട്ട് മലയിടുക്കില്‍ തകര്‍ന്ന് വീണ് തകരുകയായിരുന്നു. മലനിരയില്‍ സ്ഥാപിച്ച സിപ് ലൈന്‍ കേബളില്‍ തട്ടിയാണ് അപകടം ഉണ്ടായതെന്ന് മാധ്യമങ്ങള്‍ റിപ്പോര്‍ട്ട് ചെയ്യുന്നു. രോഗിയെ ആശുപത്രിയില്‍ എത്തിക്കാനുള്ള ശ്രമങ്ങള്‍ക്കിടെയാണ് ദുരന്തമുണ്ടായത്. സംഭവത്തില്‍ വിശദമായ അന്വേഷണത്തിന് അധികൃതര്‍ ഉത്തരവിട്ടിട്ടുണ്ട്.