കുവൈത്തില്‍ തണുപ്പിന് ദൈര്‍ഘ്യമേറുന്നു. മിക്ക സ്ഥലങ്ങളിലും രാത്രി മൂന്ന് ഡിഗ്രി സെല്‍ഷ്യസ് വരെയായിരുന്നു താപനില. മരുഭൂമികളിലും അബ്ദലി, വഫ്ര മേഖലകളിലും തണുപ്പ് കൂടുതലായിരുന്നു. രാവിലെ 8 മണിയോടെ താപനില 9 ലേക്ക് ഉയര്‍ന്നിട്ടുണ്ട്.

വരും ദിവസങ്ങളില്‍ താപനില പൂജ്യം ഡിഗ്രിയിലേക്ക് താഴുമെന്നും തിങ്കളാഴ്ച മഴയ്ക്ക് സാധ്യതയുള്ളതായും കാലാവസ്ഥ നിരീക്ഷണ കേന്ദ്രം അറിയിച്ചു. തണുപ്പ് കൂടിയതോടെ കാലാവസ്ഥാ രോഗങ്ങള്‍ മൂലം ചികിത്സതേടിയെത്തുന്നവരുടെ എണ്ണം ആശുപത്രികളില്‍ വര്‍ധിച്ച് വരികയാണ്.