സൗദിയിൽ ഇന്നു മുതൽ ശനിയാഴ്ച വരെ ശക്തമായ തണുപ്പ് അനുഭപ്പെടുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. പൊടിക്കാറ്റിനും സാധ്യതയുണ്ടെന്നും ഈ ദിവസങ്ങളിൽ പുറത്തിറങ്ങുന്നവർ മുൻകരുതൽ സ്വീകരിക്കണമെന്നും അറിയിപ്പുണ്ട്. ഉത്തര അതിർത്തി പ്രദേശങ്ങൾ, റിയാദ്, അൽഖസീം, നജ്റാൻ, മദീന, മക്ക പ്രവിശ്യകളിലും സമീപ സ്ഥലങ്ങളിലുമാണ് തണുപ്പ് കൂടുക.

മൂടൽ മഞ്ഞിനും മഴയ്ക്കും സാധ്യതയുണ്ടെന്നും റിപ്പോർട്ടുകളുണ്ട്. രാജ്യത്തിന്റെ വിവിധ ഭാഗങ്ങളിൽ ഇതിനോടകം തണുപ്പ് വർധിച്ചിട്ടുണ്ട്. ചിലയിടങ്ങളിൽ മഞ്ഞുവീഴ്ചയുമുണ്ടായി. സൗദിയിൽ ഇന്നു അനുഭവപ്പെട്ട കൂടിയ താപനില 23 ഡിഗ്രി സെൽഷ്യസും കുറഞ്ഞ താപനില 17 ഡിഗ്രി സെൽഷ്യസുമാണ്.