ജിദ്ദയുടെ ആദ്യമേയർ എൻജി. മുഹമ്മദ്​ സഈദ്​ അൽഫാരിസി (83) അന്തരിച്ചു. 'ആധുനിക ജിദ്ദയുടെ ശിൽപി' എന്ന പേരിൽ അറിയപ്പെട്ടിരുന്ന ഇദ്ദേഹത്തിന്റെ അന്ത്യം വിദേശത്തായിരുന്നു​. 1936ൽ മക്കയിലാണ് ജനനം. പ്രാഥമിക വിദ്യാഭ്യാസത്തിനു ശേഷം അലക്​സാൻട്രിയ യൂനിവേഴ്​സിറ്റിൽ നിന്ന്​ 1963 ൽ ബാച്ചിലർ ഡിഗ്രി നേടി. 1982 അതേ യൂനിവേഴ്​സിറ്റിയിൽ നിന്ന്​ ആർകി ടെക്​ചറൽ ആൻറ്​ പ്ലാനിങിൽ മാസ്​റ്റർ ബിരുദവും​ എൻജിനീയറിങിൽ ഡോക്​​റ്ററേറ്റും നേടി.

1972 മുതൽ 1986 വരെ 14 വർഷത്തോളം ജിദ്ദ മേയറായിരുന്നു. ഈ കാലയളവിലാണ്​ ജിദ്ദയിലെ​ പ്രധാന റോഡുകൾ, സർവീസ്​ റോഡുകൾ, കോർണിഷ്​, റൗണ്ട്​ അബൗട്ടുകൾ എന്നിവക്ക്​ പ്ലാനുകളും മാപ്പുകളും തയാറാക്കിയത്​.

ജിദ്ദയെ മനോഹര നഗരമാക്കി വികസിപ്പിക്കാൻ നിരവധി റോഡ്​, പാലം, ഗാർഡൻ പദ്ധതികൾ നടപ്പിലാക്കാൻ മേൽനോട്ടം വഹിച്ചു. പ്രമുഖരായ അന്താരാഷ്​ട്ര ശിൽപ കലാകാരന്മാർ രൂപകൽപന ചെയ്​ത ധാരാളം കൊത്തു പണികൾ വാങ്ങി ജിദ്ദ പട്ടണത്തി​ന്റെ വിവിധ ഭാഗങ്ങളിൽ സ്​ഥാപിച്ചതും ഇദ്ദേഹത്തി​ന്റെ കാലഘട്ടത്തിലാണ്​. ജനസേവനം വിപുലമാക്കാൻ മുനിസിപ്പാലിറ്റിയുടെ ബ്രാഞ്ച്​ ഓഫീസുകളും വിവിധ ഡിസ്​ട്രിക്​റ്റുകളിൽ നിർമ്മിച്ചിരുന്നു.