ആരോഗ്യരംഗത്ത് സ്തുത്യര്ഹ സേവനം കാഴ്ചവെച്ചവര്ക്ക് ആദരമൊരുക്കി വേള്ഡ് മെഡിക്കല് കൗണ്സില്
ഷാര്ജ : ആരോഗ്യമേഖലയിലെ പ്രഗല്ഭരെ ആദരിക്കുന്നതിനായി വേള്ഡ് മെഡിക്കല് കൗണ്സില് ദുബായ് ചാപ്റ്റര് ഏര്പ്പെടുത്തിയ എച്.ആര് എക്സലന്സ് അവാര്ഡുകള് വിതരണം ചെയ്തു. ഷാര്ജ ഓഷ്യന് ബ്ലൂ തീയേറ്ററില് നടന്ന പുരസ്കാരദാന ചടങ്ങില് ദുബായ് യുണിപെക്സ് ഇന്റര്നാഷണല് ചെയര്മാനും, പ്രശസ്ത എഴുത്തുകാരനുമായ അഹമ്മദ് ഇബ്രാഹിം മുഖ്യ അതിഥിയായിരുന്നു.
ആരോഗ്യപരിപാലന രംഗത്തെ സ്തുത്യര്ഹ സേവനത്തിനുള്ള ഹാള് ഓഫ് ഫെയിം പുരസ്കാരം ഡോ. റാസ സിദ്ദിഖിയും (സിഇഒ - അറേബ്യന് ഹെല്ത്ത് കെയര് ഗ്രൂപ്പ്- റാഖ് ഹോസ്പിറ്റല്), ഡോ. അജിത് കുമാര് നാഗ്പാലും ( ചെയര്മാന് ആന്ഡ് ഡയറക്ടര് ജനറല് അമിറ്റി സര്വ്വകലാശാല) ഏറ്റുവാങ്ങി.
ആരോഗ്യപരിപാലന രംഗത്ത് വിവിധ മേഖലകളില് മികച്ച പ്രകടനം കാഴ്ച വെച്ച 25 പ്രതിഭകളെയും ചടങ്ങില് പുരസ്കാരം നല്കി ആദരിച്ചു. ആരോഗ്യരംഗത്തെ കാര്യക്ഷമത വര്ദ്ധിപ്പിക്കുന്നതുമായി ബന്ധപ്പെട്ട് ഇന്ന് നേരിടുന്ന വെല്ലുവിളികള് എന്ന വിഷയത്തില് വിദഗ്ധരെ ഉള്പ്പെടുത്തിക്കൊണ്ടുള്ള ചര്ച്ചയും പുരസ്കാരചടങ്ങിന്റെ ഭാഗമായി നടന്നു.
വേള്ഡ് മെഡിക്കല് കൗണ്സില് പ്രസിഡന്റും, മുല്ക് ഹെല്ത്ത് കെയര് എന്റര്പ്രൈസസ് ചെയര്മാനുമായ ഡോ.നവാബ് ഷാഫി ഉല് മുല്ക്, ഏരീസ് ഗ്രൂപ്പ് സിഇഒയും, വേള്ഡ് മെഡിക്കല് കൗണ്സില് വൈസ് പ്രസിഡന്റുമായ സോഹന് റോയ്, അഹല്യ ഹോസ്പിറ്റല് സിഇഒയും, വേള്ഡ് മെഡിക്കല് കൗണ്സില് ജനറല് സെക്രട്ടറിയുമായ ഡോ വിനോദ് തമ്പി തുടങ്ങിയവരും ചടങ്ങില് സംബന്ധിച്ചു.
https://www.facebook.com/Malayalivartha