ദുബായ് മെട്രോ സ്റ്റേഷന് സമീപത്തെ ഗോഡൗണിന് മുന്നിൽ നിർത്തിയിട്ട മൂന്ന് കാറുകളിൽ നിന്ന് തീപടർന്നു. ഇന്നുച്ചയ്ക്ക് 12.20 ഓടെയാണ് സംഭവം. അഗ്നിരക്ഷാ സേനാംഗങ്ങൾ സ്ഥലത്തെത്തി രക്ഷാപ്രവർത്തനം നടത്തുകയാണ്. ആളപായം ഉണ്ടോയെന്ന് വ്യക്തമായിട്ടില്ല.

കാറുകളിൽ നിന്ന് തീ പടർന്ന് ഗോഡൗണിന് പിടിക്കുകയായിരുന്നു. പിന്നീട് കറുത്ത പുക നഗരത്തിലാകെ പടർന്നു. പുക കണ്ടവരെല്ലാം ചിത്രങ്ങളെടുത്ത് സമൂഹമാധ്യമങ്ങളിൽ പങ്കുവച്ചു. ഗോഡൗണിന് അകത്ത് ഗ്യാസ് സിലിണ്ടറുകൾ ഉള്ളതായി സംശയിക്കുന്നുണ്ട്. അതിനാൽ തന്നെ വേഗം തീയണക്കാനുള്ള ശ്രമത്തിലാണ് അഗ്നിരക്ഷാ സേന.