യു.എ.യില്‍ ജോലി ചെയ്യുന്ന റഫീഖുല്‍ ഇസ്ലാമിന് എട്ടാം ക്ലാസ് വിദ്യാഭ്യാസം മാത്രമാണുള്ളത്. കഴിഞ്ഞ ദിവസമാണ് ഇസ്ലാം ലീവിന് നാട്ടിലെത്തിയത്. തുടര്‍ന്നാണ് ഭാര്യ പഠിക്കാനായി പോകുന്ന വിവരം അറിയുന്നത്. ഇത് കേട്ട് പ്രകോപിതനായ റഫീഖുല്‍ ഇസ്ലാം ഹവ്വയോട് ഒരു സര്‍പ്രൈസ് തരാനെന്ന് പറഞ്ഞ് കണ്ണൂകള്‍ അടച്ച് കൈ നീട്ടാന്‍ ആവശ്യപ്പെടുകയായിരുന്നു.

തുടര്‍ന്ന് ഹവയുടെ കൈവിരലുകള്‍ മുറിച്ചെടുത്തു ചവറ്റുകൊട്ടയില്‍ ഇടുകയായിരുന്നു. കൈവിരലുകള്‍ തുന്നിച്ചേര്‍ക്കാതിരിക്കാനാണ് ചവറ്റുകൊട്ടയിലിട്ടതെന്നാണ് ഇസ്ലാം പോലീസിനോട് പറഞ്ഞു. ബംഗ്ലാദേശിലെ ധാക്കയിലാണ് ഞെട്ടിക്കുന്ന സംഭവം. 21കാരിയായ ഹവ അക്തറിനാണ് തുടര്‍പഠനം നടത്തിയതിന് ഭര്‍ത്താവിന്റെ ക്രൂര അക്രമം ഏല്‍ക്കേണ്ടി വന്നത്. സംഭവത്തില്‍ ഹവയുടെ ഭര്‍ത്താവ് റഫീഖുല്‍ ഇസ്ലാമിനെ പോലീസ് അറസ്റ്റ് ചെയ്തു. ഹവ വിവാഹശേഷം ഭര്‍ത്താവ് അറിയാതെ ബിരുദപഠനം തുടര്‍ന്നതാണ് അക്രമത്തിന് കാരണമെന്നാണ് പോലീസ് പറയുന്നത്.