ദുബായ് രാജ്യാന്തര വിമാനത്താവളത്തിനു സമീപം ചെറു വിമാനം തകര്ന്ന് നാലു പേര്ക്ക് ദാരുണാന്ത്യം
ദുബായ് രാജ്യാന്തര വിമാനത്താവളത്തിനു സമീപം ചെറു വിമാനം തകര്ന്ന് നാലു പേര്ക്ക് ദാരുണാന്ത്യം. മൂന്നു ബ്രിട്ടീഷുകാരും ഒരു ദക്ഷിണാഫ്രിക്കക്കാരനുമാണ് മരിച്ചത്. ബ്രിട്ടണില് രജിസ്റ്റര് ചെയ്തിരിക്കുന്ന ഡയമണ്ട് എയര്ക്രാഫ്റ്റെന്ന നാലു പേര്ക്ക് സഞ്ചരിക്കാവുന്ന ചെറുവിമാനമാണ് തകര്ന്നത്. ദുബായ് ഇന്റര്നാഷണല് ഹബിനു തെക്ക് അഞ്ച് കിലോമീറ്റര് മാറിയായിരുന്നു അപകടം ഉണ്ടായത്.
വിമാനത്തില് രണ്ട് പൈലറ്റുമാരും രണ്ട് യാത്രക്കാരുമാണ് ഉണ്ടായിരുന്നത്. സാങ്കേതികതകരാറാണ് അപകടത്തിനു കാരണമെന്നാണ് പ്രാഥമിക നിഗമനം. അപകടത്തെ തുടര്ന്ന് മുന്കരുതലിന്റെ ഭാഗമായി വിമാനത്താവളത്തിലെ എല്ലാ സര്വീസുകളും ഒരുമണിക്കൂര് നിര്ത്തിവച്ചു.
ചില വിമാനങ്ങള് വഴിതിരിച്ചുവിട്ടു. അതേസമയം, നിലവില് സര്വീസുകള് തടസമില്ലാതെ തുടരുന്നതായി അധികൃതര് വ്യക്തമാക്കി.
"
https://www.facebook.com/Malayalivartha