റാസല്ഖൈമയിലെ ഷാം കടല്ത്തീരത്ത് ചാകര; കരയിലേക്ക് അടിഞ്ഞെത്തിയത് അയിലക്കണ്ണന് എന്നറിയപ്പെടുന്ന ആയിരക്കണക്കിന് മത്സ്യങ്ങള്
മത്സ്യത്തൊഴിലാളികളെ ഞെട്ടിച്ച് റാസല്ഖൈമ നഗരത്തിന് വടക്ക് 40 കിലോമീറ്റര് അകലെയുള്ള ഷാം കടല്ത്തീരത്ത് കഴിഞ്ഞദിവസം ചാകരയെത്തി. ശനിയാഴ്ച മത്സ്യബന്ധനത്തിനെത്തിയ തൊഴിലാളികളാണ് ഒരു കിലോമീറ്ററോളം ദൂരം കേരളത്തില് അയിലക്കണ്ണന് എന്നറിയപ്പെടുന്ന ആയിരക്കണക്കിന് മത്സ്യങ്ങള് കരയിലേക്ക് അടിഞ്ഞെത്തിയ കാഴ്ച കണ്ടത്. നാലുവര്ഷത്തിനിടയിലെ ഏറ്റവും വലിയ ചാകരയാണ് ഇതെന്ന് മലയാളികള് അടക്കമുള്ള മത്സ്യത്തൊഴിലാളികള് പറഞ്ഞു. ശേഖരിച്ച മത്സ്യം വിപണികളിലേക്ക് എത്തിക്കാന് 50 ട്രക്കുകള് വേണ്ടിവന്നു.
അപ്രതീക്ഷിതമായി എത്തിയ ചാകരയുടെ കാഴ്ച ഇതിനോടകം സാമൂഹികമാധ്യമങ്ങളില് വൈറലായി കഴിഞ്ഞു. 50 ടണ് മത്സ്യം ലഭിച്ചതായാണ് പ്രാഥമിക കണക്ക്. സാധാരണയായി കുറഞ്ഞവിലയ്ക്ക് വില്ക്കുന്ന കുടിയേറ്റ മത്സ്യമാണ് കരയിലെത്തിയതെന്നു റാസല്ഖൈമ ഫിഷര്മാന് സൊസൈറ്റി ഡെപ്യൂട്ടി ചെയര്മാന് ഹുമൈദ് അല് സാബി പറഞ്ഞു.
https://www.facebook.com/Malayalivartha