നോവല്‍ കൊറോണ വൈറസ്... കുവൈത്ത് വിമാനത്താവളത്തില്‍ മെഡിക്കല്‍ സര്‍ട്ടിഫിക്കറ്റ് ഹാജരാക്കണം: മെഡിക്കല്‍ സര്‍ട്ടിഫിക്കറ്റ് ഹാജരാക്കിയില്ലെങ്കില്‍ അതേ വിമാനത്തില്‍ സ്വന്തം ചെലവില്‍ തിരിച്ചയക്കും
നോവല്‍ കൊറോണ വൈറസിന്റെ പശ്ചാത്തലത്തില്‍ കുവൈത്തില്‍ കടുത്ത ജാഗ്രത നിര്‍ദ്ദേശം. ഇന്ത്യ, ഫിലിപ്പീന്‍സ്, ബംഗ്ലാദേശ്, ഈജിപ്ത്, സിറിയ, അസര്‍ബൈജാന്‍, തുര്‍ക്കി, ശ്രീലങ്ക, ജോര്‍ജിയ, ലെബനോന്‍ എന്നീ രാജ്യക്കാര്‍ വിമാനത്താവളത്തില്‍ മെഡിക്കല്‍ സര്‍ട്ടിഫിക്കറ്റ് ഹാജരാക്കണം.
മാര്‍ച്ച് എട്ടുമുതലാണ് ഉത്തരവ് ബാധകമാവുക. അതത് രാജ്യങ്ങളിലെ കുവൈത്ത് എംബസി അംഗീകൃത ഹെല്‍ത് സന്റെറുകളില്‍നിന്നാണ് കൊറോണ വൈറസ് ബാധിതരല്ല എന്ന് തെളിയിക്കുന്ന സര്‍ട്ടിഫിക്കറ്റ് സ്വന്തമാക്കേണ്ടത്.
കുവൈത്ത് എംബസി ഇല്ലാത്ത രാജ്യങ്ങളില്‍ അതത് രാജ്യങ്ങളിലെ ബന്ധപ്പെട്ട അതോറിറ്റി അംഗീകരിച്ച ഹെല്‍ത് സന്റെറുകളുടെ സര്‍ട്ടിഫിക്കറ്റ് മതി. പുതിയ ആളുകള്‍ക്കും അവധിക്ക് നാട്ടില്‍ പോയവര്‍ക്കും ഉത്തരവ് ബാധകമാണ്. ഈ രാജ്യങ്ങളില്‍നിന്ന് വരുന്ന കുവൈത്തികള്‍ക്ക് പ്രശ്‌നമില്ല. മെഡിക്കല്‍ സര്‍ട്ടിഫിക്കറ്റ് ഹാജരാക്കിയില്ലെങ്കില്‍ അതേ വിമാനത്തില്‍ സ്വന്തം ചെലവില്‍ തിരിച്ചയക്കും. തിരിച്ചയക്കാനുള്ള ചെലവ് കുവൈത്ത് വഹിക്കില്ലെന്നും ഇത്തരക്കാരെ കൊണ്ടുവരുന്ന വിമാനക്കമ്ബനികള്‍ക്ക് പിഴ ചുമത്തുമെന്നും സിവില്‍ വ്യോമയാന വകുപ്പിന്റെ സര്‍ക്കുലറില്‍ പറയുന്നു.
https://www.facebook.com/Malayalivartha
