കൊറോണ വ്യാപനത്തെ തുടർന്ന് അനിശ്ചിത്വങ്ങൾ നിലനിൽക്കുന്ന സാഹചര്യത്തിൽ ദുബായില്‍ ഓണ്‍ലൈന്‍ വഴിയുള്ള മദ്യവ്യാപാരം കുതിച്ചുയരുന്നതായി റിപ്പോർട്ട്. അംഗീകൃത മദ്യവിതരണ കമ്പനികളായ എംഎംഐ, ആഫ്രിക്കന്‍ ഇസ്റ്റേണ്‍ കമ്പനി എന്നിവ സംയുക്തമായാണ് നിലവിൽ മദ്യം വിതരണം ചെയ്തുവരുന്നത്. കൊറോണ വൈറസ് വ്യാപിക്കുന്ന പശ്ചാത്തലത്തിൽ നിരവധി നിയന്ത്രണങ്ങളാണ് ഗൾഫ് രാഷ്ട്രങ്ങളിൽ നിലനിൽക്കുന്നത്. ഈ സാഹചര്യത്തിലാണ് ഓൺലൈൻ വഴി മമദ്യം വിൽക്കാൻ ധാരണയാകുന്നത്. എന്നാൽ വിചാരിച്ചതിലും അപ്പുറം മദ്യത്തിന്റെ വിപണ ഉയരുകയാണ്.

അതേസമയം മാര്‍ച്ച് 31നാണ് ഓണ്‍ലൈന്‍ വഴി മദ്യം വില്‍ക്കാനുള്ള അനുമതി ദുബായില്‍ നല്‍കിയത്. legalhomedelivery.com വഴി രാവിലെ 12 മണിക്ക് മുമ്പായി ആവശ്യപ്പെട്ടാല്‍ പിറ്റേ ദിവസം വൈകിട്ട് നാലിന് മുമ്പായി ദുബായില്‍ എവിടെയായിരുന്നാലും മദ്യം ലഭിക്കുകയും ചെയ്യുന്നതായിരിക്കും. എന്നാൽ വൈനിനാണ് ആവശ്യക്കാര്‍ കൂടുതലുള്ളത് എന്നാണ് കണക്കുകൾ രേഖപ്പെടുത്തുന്നത്. ഒപ്പം ബീയര്‍ രണ്ടാംസ്ഥാനത്തുണ്ട്. എന്നാൽ ദുബായില്‍ ലൈസന്‍സ് ഉള്ളവര്‍ക്കാണ് മദ്യം വാങ്ങാനും ഉപയോഗിക്കാനുമുള്ള അനുമതിയുള്ളത്. ഒപ്പം മുസ്ലിംകള്‍ക്കും 21 വയസ്സില്‍ താഴെയുള്ളവര്‍ക്കും മദ്യം ലഭിക്കില്ല.

അതോടൊപ്പം തന്നെ യുഎഇ താമസ വിസക്കാര്‍ക്കും സന്ദര്‍ശക വിസയിലുള്ളവരും ഓണ്‍ലൈനിലൂടെ മദ്യത്തിന് അപേക്ഷിക്കുമ്പോള്‍ ലൈസന്‍സ് നമ്പര്‍ നല്‍കണം. ഒപ്പം സന്ദര്‍ശകര്‍ പാസ്‌പോര്‍ട്ട് നമ്പര്‍ നല്‍കണം. മദ്യം ഡെലിവറി വരുന്നതിന് അരമണിക്കൂര്‍ മുമ്പ് ഉപഭോക്താക്കള്‍ക്ക് എസ്എംഎസ് ലഭിക്കുന്നതായിരിക്കും. മദ്യം വീട്ടിലെത്തിക്കുമ്പോള്‍ ലൈസന്‍സോ പാസ്‌പോര്‍ട്ടോ കാണിക്കേണ്ടുന്നതാണ്. 250 ദിര്‍ഹത്തിന്റെ മദ്യമെങ്കിലും ഓര്‍ഡര്‍ ചെയ്താലേ ഹോം ഡെലിവറിയായി മദ്ധ്യം ലഭിക്കുകയുള്ളു. മുനിസിപ്പാലിറ്റി നികുതി, വാറ്റ് എന്നിവ ഉള്‍പ്പെടെയാണിത് ലഭ്യമാകുക. ഒപ്പം ഹോം ഡെലിവറി നിരക്ക് 50 ദിര്‍ഹം നല്‍കണം.

യുഎഇയിലെ ഷാര്‍ജയൊഴികെ എല്ലാ എമിറേറ്റ്‌സുകളിലും മദ്യം വില്‍പ്പന നടത്തുന്നുണ്ട്. ആഫ്രിക്കന്‍ ഈസ്റ്റേണ്‍ കമ്പനിക്ക് യുഎഇയില്‍ 28 കടകളുണ്ട് എന്നാണ് കണക്കുകൾ വ്യക്തമാക്കുന്നത്. ദുബായില്‍ മാത്രം 17 എണ്ണമാണ് ഉള്ളത്. ഒപ്പം ഇതില്‍ 16എണ്ണം തുറന്നു പ്രവര്‍ത്തിക്കുന്നുണ്ട്. ലൈസന്‍സ് ഉള്ളവര്‍ക്ക് കൊവിഡ് സുരക്ഷാ നിര്‍ദ്ദേശങ്ങള്‍ പാലിച്ച് ഇവിടെ നിന്നും നേരിട്ട് മദ്യം വാങ്ങാവുന്നതുമാണ്.