അറബ് രാഷ്ട്രങ്ങളിൽ കൊറോണ വ്യാപനം തുടരുന്ന പക്ഷം അത് പ്രവാസികളിൽ ഉണ്ടാകുന്ന മാനസികാവസ്ഥ ചെറുതൊന്നുമല്ല. പലർക്കും നാട്ടിലേക്ക് എത്തിച്ചേരാനാണ് ആഗ്രഹം. എന്നാൽ ലോക് ഡൗൺ ആയതിൽ പിന്നെ വിമാന സർവീസുകൾ പോലും നിലച്ചു. ഇത്തരം ഒരു സാഹചര്യത്തിൽ ഏറെ കഷ്ടപ്പാടുകളിലൂടെയും മാനസിക സംഘർഷത്തിലൂടെയുമാണ് നമ്മുടെ പ്രവാസികൾ കടന്നുപോകുന്നത്. അതിനേക്കാളുപരി പ്രവാസികളെ അലട്ടുന്നത് കോറോണയെന്ന മഹാമാരിയാണ്. കൊറോണ ഭീതിയിൽ കഴിയുന്ന പ്രവാസികൾ ചെറിയ തുമ്മലിനും തൊണ്ടവേദനയ്ക്കുപോലും സ്വയംഹൂതി ചെയ്യുന്നത് എന്തൊരു അവസ്ഥയാണ്. അത്തരമൊരു സാഹചര്യം വീണ്ടും ഉണ്ടായ സാഹചര്യത്തിൽ പ്രവാസികൾക്ക് കരുത്ത് പകർന്ന് അഷ്‌റഫ് താമരശ്ശേരി.

പ്രവാസികൾ വളരെയധികം മാനസികവസ്ഥയിലൂടെയാണ് നീങ്ങുന്നത്. കോവിഡിനെ കുറിച്ചുളള ഭയവും, മുന്നോട്ടുളള ജീവിതവും വല്ലാത്ത മാനസിക സംഘർഷത്തിലൂടെ അവരെ മുന്നോട്ട് നയിക്കുന്നു.ഇന്നും ആത്മഹത്യ ചെയ്ത ഒരു പ്രവാസിയുടെ മ്യതദേഹം നാട്ടിലേക്ക് അയക്കേണ്ടി വന്നു.നിങ്ങൾക്ക് ഇപ്പോൾ തോന്നുണ്ടാകും ഇയാൾക്ക് ആത്മഹത്യയെ കുറിച്ച് മാത്രമെ എഴുതുവാനുളളുവെന്ന്. ആത്മഹത്യ ഒന്നിനും പരിഹാരമല്ല.എല്ലാം പ്രതിസന്ധികളും തരണം ചെയ്യുവാനുളള മാനസികാവസ്ഥയിലേക്ക് പ്രവാസികൾ മടങ്ങി വരണം. നമ്മളെ നെഞ്ചോട് ചേർത്ത് നിർത്തുന്ന ഒരു സർക്കാർ UAE യിലുണ്ട്. ഇവിടെത്തെ ഭരണാധികാരികൾ നമ്മളെ ഒരിക്കലും കെെവിടില്ല.ഒരു മനുഷ്യൻെറ ജീവന് വളരെ പ്രധാന്യം കൊടുക്കുന്നവരാണ് അറബ് സമൂഹം.ഞാനിത് പറയുന്നത് നിങ്ങളെ സമാധാനപ്പെടുത്താനല്ല,ഇതാണ് സത്യം.ആയതിനാൽ കോവിഡെന്ന മഹാമാരിയെ അകറ്റാൻ ഭീതിയല്ല വേണ്ടത്.

കഴിഞ്ഞ 10 വർഷമായി കൊല്ലം പ്രാക്കുളം സ്വദേശി അശോക് കുമാർ ഒരു സ്വകാര്യ കമ്പനിയിൽ സുപ്പർവെെസറായി ജോലി ചെയ്യുകയായിരുന്നു.കഴിഞ്ഞ ആഴ്ച തൊണ്ട വേദനയും ചെറിയ പനിയും ഉണ്ടായിരുന്നു.ഒന്ന് സംശയം തീർക്കാൻ വേണ്ടി സ്രവം കോവിഡ് Test ന് കൊടുത്തു. കഴിഞ്ഞ ബുധനാഴ്ച ആയിരുന്നു സംഭവം. അത് കഴിഞ്ഞ് വല്ലാത്ത മാനസികവസ്ഥയിലും ഭീതിയിലുമായിരുന്നുവെന്ന് കൂടെ താമസിക്കുന്നവർ പറയുന്നു.വെളളിയാഴ്ച വെെകുന്നേരം ഞരമ്പ് മുറിച്ചിട്ട് കെട്ടിടത്തിൻെറ മുകളിൽ നിന്ന് ചാടി മരിക്കുകയാണുണ്ടായത്.കോവിഡിൻെറ Result വന്നപ്പോൾ Negative ആയിരുന്നു. നിങ്ങൾ ഒന്ന് ഓർക്കുക,ഇതുവഴി നിങ്ങൾ അനാഥമാക്കിയത് നിങ്ങളുടെ കുടുംബത്തെയാണ്. കോവിഡിനെ അകറ്റാൻ ഭിതിയോ ഭയമോ അല്ല വേണ്ടത്.

ഇച്ഛാശക്തിയും ദീർഘവീക്ഷണവും ജനങ്ങളുടെ പ്രശ്നങ്ങൾക്ക് പരിഹാരം കാണുന്നതിന് വേണ്ടി നിരന്തരം വിശ്രമില്ലാതെ ജോലിചെയ്യുന്ന ഭരണാധികാരികളാണ് ഒരു നാടിനെ പുരോഗതിയിലേക്ക് നയിക്കുന്നതും, ജനങ്ങളുടെ മനസ്സിൽ വലിയ സ്ഥാനം നേടുവാൻ കഴിയുന്നതും. അങ്ങനെ ഒരു നേതാവ് പ്രവാസിക്ക് ഉണ്ടായിരുന്നു. ശ്രീമതി സുക്ഷമ സ്വരാജ്.ആ കുറവ് ഇന്ന് പ്രവാസികൾ ശരിക്കും അറിയുന്നുണ്ട്.