നാട്ടിലെത്താനാകാതെ കുടുങ്ങിപ്പോയ പ്രവാസികളെ തിരിച്ചെത്തിക്കാനാകാതെയുള്ള കേന്ദ്രത്തിന്റെ മൗനം പ്രവാസികളിൽ ഏറെ വേദന ഉളവാക്കിയിരുന്നു. അതിനെല്ലാം പരിഹാരം ഉണ്ടാകുമെന്ന വാർത്തകൾക്ക് പിന്നാലെ പ്രവാസികളെ ഞെട്ടിച്ച് മറ്റൊരു വാർത്തയും പുറത്തേക്ക് വന്നു. നാട്ടിലെത്തിക്കാനാകാതെ പ്രവാസികളുടെ മൃതദേഹം തിരിച്ചയച്ചത് തന്നെ. എന്നാൽ മൂന്ന് ഇന്ത്യക്കാരുടെ മൃതദേഹങ്ങള്‍ തിരിച്ചയച്ച നടപടി തന്നെ ഞെട്ടിച്ചെന്ന് യുഎഇയിലെ ഇന്ത്യന്‍ അംബാസഡര്‍ പവന്‍ കപൂര്‍ വ്യക്തമാക്കി. കൊവിഡ് അല്ലാത്ത കാരണങ്ങളാല്‍ മരണപ്പെട്ട മൂന്ന് ഇന്ത്യക്കാരുടെ മൃതദേഹങ്ങളാണ് വ്യാഴാഴ്ച ദില്ലിയില്‍ നിന്ന് അബുദാബിയിലേക്ക് തിരിച്ചയച്ചത്.

അതോടൊപ്പം തന്നെ കൊവിഡുമായി ബന്ധപ്പെട്ട കാരണങ്ങള്‍ കൊണ്ടാണോ മൃതേദഹങ്ങള്‍ തിരിച്ചയച്ചതെന്ന് അറിയില്ല എന്നും അദ്ദേഹം കൂട്ടിച്ചേർത്തു. എന്നാല്‍ തന്നെയും കൊവിഡ് ബാധിച്ച് മരണപ്പെട്ടവരുടെ മൃതദേഹങ്ങള്‍ ഇവിടെ നിന്ന് നാട്ടിലേക്ക് അയക്കുന്നില്ലെന്ന് ഉറപ്പാണെന്നും അദ്ദേഹം പറഞ്ഞു.

കൊറോണ വ്യാപനത്തെ തുടർന്ന് വിമാനത്താവളത്തിലെ പുതിയ പ്രോട്ടോകോളിന്റെ ഭാഗമായാണ് ഇത് സംഭവിച്ചതെന്ന് മനസിലാക്കുന്നുണ്ടെന്ന് അദ്ദേഹം വ്യക്തമാക്കി. അത് പരിഹരിക്കാന്‍ ശ്രമിക്കുകയാണ് എന്നും അദ്ദേഹം പറഞ്ഞു. മൃതദേഹങ്ങള്‍ വിമാനത്തില്‍ നിന്ന് പുറത്തിറക്കിയിരുന്നില്ല. ഏതാനും മണിക്കൂറുകള്‍ക്ക് ശേഷം അവ തിരികെ അയക്കുകയായിരുന്നുവെന്നും അദ്ദേഹം പറഞ്ഞു.

അതോടൊപ്പം തന്നെ ഇത്തിഹാദ് എയര്‍വേയ്സ് വിമാനത്തിലാണ് മൃതദേഹങ്ങള്‍ അയച്ചത്. മൃതദേഹങ്ങള്‍ ഏറ്റുവാങ്ങാന്‍ കുടുംബാംഗങ്ങൾ വിമാനത്താവളത്തിലേക്ക് എത്തിച്ചേർന്നിരുന്നു. എന്നാല്‍ വിമാനത്തില്‍ നിന്ന് പുറത്തിറക്കാന്‍ അനുവദിക്കാതെ അബുദാബിയിലേക്ക് തന്നെ തിരിച്ചയക്കുകയായിരുന്നു ചെയ്തത്. തുടര്‍ന്ന് പ്രവാസികളുടെ വ്യാപക പ്രതിഷേധത്തിനൊടുവില്‍ ഇന്നലെ വൈകുന്നേരം കേന്ദ്ര സര്‍ക്കാര്‍ പ്രത്യേക ഉത്തരവിറക്കുകയായിരുന്നു. മൃതദേഹങ്ങൾ നാട്ടിൽ എത്തിയിട്ടും തിരിച്ചയച്ച സംഭവം ബന്ധുക്കളെ ഏറെ വേദനിപ്പിക്കുകയുണ്ടായി.