കൊറോണ വ്യാപനത്തിന്റെ പശ്ചാത്തലത്തിൽ പ്രവാസലോകം പ്രതിസന്ധികളുടെ ലോകം കൂടിയാകുമ്പോൾ കേരളത്തിലും ആഘാതങ്ങൾ ഉണ്ടാകാൻ സാധ്യതയെന്നാണ് വ്യക്തമാക്കുന്നത്. കൊറോണ വൈറസ് വ്യാപനത്തിന്റെ പശ്ചാത്തലത്തില്‍ പ്രവാസി മലയാളികള്‍ക്ക് നാട്ടിലേക്ക് മടങ്ങാന്‍ നോര്‍ക്ക ഏര്‍പ്പെടുത്തിയ സംവിധാനത്തില്‍ രജിസ്റ്റര്‍ ചെയ്ത പ്രവാസികളുടെ എണ്ണം മൂന്നു ലക്ഷം കടന്നതായാണ് റിപ്പോർട്ട്. കഴിഞ്ഞ ഞായറാഴ്ച ആരംഭിച്ച രജിസ്‌ട്രേഷനില്‍ ബുധനാഴ്ച വരെ മാത്രം പേര് രജിസ്റ്റര്‍ ചെയ്തത് 3,20,463 പ്രവാസി മലയാളികളാണ് എന്നാണ് കണക്കുകൾ രേഖപ്പെടുത്തുന്നത്.

അതേസമയം തൊഴില്‍ അല്ലെങ്കില്‍ താമസ വിസയില്‍ എത്തിയ 2,23,624 പേരും സന്ദര്‍ശ വിസയില്‍ എത്തിയ 57,436 പേരും ആശ്രിത വിസയില്‍ 20,219 പേരും 7276 വിദ്യാര്‍ത്ഥികളും ട്രാന്‍സിറ്റ് വിസയില്‍ 691 പേരും മറ്റുള്ളവര്‍ 11,327 പേരുമാണ് എന്നാണ് ലഭ്യമാകുന്ന കണക്ക്. എന്നാൽ തന്നെയും തൊഴില്‍ നഷ്ടപ്പെട്ട് തിരിച്ചുവരാന്‍ രജിസ്റ്റര്‍ ചെയ്തിട്ടുള്ള പ്രവാസികള്‍ 56,114 ആണ്.

അതോടൊപ്പം തന്നെ വാര്‍ഷികാവധി കാരണം വരാന്‍ ആഗ്രഹിക്കുന്നവര്‍ 58823 പേരും സന്ദര്‍ശന വിസ കാലാവധി കഴിഞ്ഞവര്‍ 41236ഉം വിസ കാലാവധി കഴിഞ്ഞവരും റദ്ദാക്കപ്പെട്ടവരും 23975, ലോക്ക് ഡൗണ്‍ കാരണം നാട്ടിലേക്ക് മടങ്ങുന്ന കുട്ടികള്‍ 9561, മുതിര്‍ന്ന പൗരന്‍മാര്‍ 10007, ഗര്‍ഭിണികള്‍ 9515, പഠനം പൂര്‍ത്തിയാക്കിയ വിദ്യാര്‍ത്ഥികള്‍ 2448, ജയില്‍ മോചിതര്‍ 748, മറ്റുള്ളവര്‍ 108520 എന്നിങ്ങനെയാണ് കണക്കുകള്‍ വ്യക്തമാക്കുന്നത്. ഒപ്പം നാട്ടിലേക്ക് മടങ്ങാന്‍ ആഗ്രഹിക്കുന്നവരില്‍ ഏറ്റവും കൂടുതല്‍ പ്രവാസികള്‍ മലപ്പുറത്ത് നിന്നുള്ളവരാണ്. 54280 പേരാണ് മലപ്പുറത്ത് എത്താന്‍ രജിസ്റ്റ് ചെയ്തത്.

രജിസ്റ്റിര്‍ ചെയ്ത പ്രവാസികളുടെ ജില്ല തിരിച്ചുള്ള കണക്കുകള്‍ ഇങ്ങനെ;

തിരുവനന്തപുരം- 23014
കൊല്ലം- 22575
പത്തനംതിട്ട -12677
കോട്ടയം- 12220
ആലപ്പുഴ- 15648
എറണാകുളം- 18489
തൃശൂര്‍- 404434
പാലക്കാട്- 21164
ഇടുക്കി- 3459
മലപ്പുറം -54280
കോഴിക്കോട്- 40431
വയനാട്-4478
കണ്ണൂര്‍ -36228
കാസര്‍കോട് -15658