കൊറോണ വ്യാപനത്തിന്റെ പശ്ചാത്തലത്തിൽ 24 മണിക്കൂർ സമ്പൂർണ കർഫ്യൂ പ്രഖ്യാപിച്ച കുവെെത്തില്‍ കഴിഞ്ഞ 24 മണിക്കൂറുകൾക്കിടെ 598 പേർക്കാണ് പുതുതായി കോവിഡ് 19 സ്ഥിരീകരിച്ചത്. ഇതോടെ രാജ്യത്തെ കോവിഡ് കേസുകളുടെ ആകെ എണ്ണം 9286 ആയി ഉയര്ന്നതായി റിപ്പോർട്ട്. അതോടൊപ്പം തന്നെ പുതിയ രോഗികളിൽ 159 പേർ ഇന്ത്യക്കാർ ആണ് രോഗം സ്ഥിരീകരിച്ചിരിക്കുന്നത്. ഇതോടെ കുവൈത്തിൽ കോവിഡ് സ്ഥിരീകരിച്ച ഇന്ത്യക്കാരുടെ എണ്ണം 3376 ആയി ഉയർന്നു.

അതേസമയം ഇന്ന് 7 മരണം കൂടി സ്ഥിരീകരിച്ചതോടെ രാജ്യത്തെ കോവിഡ് മരണസംഖ്യ 65 ആയി. തുടർന്ന് ഇന്ന് രോഗം സ്ഥിരീകരിച്ച മുഴുവൻ പേർക്കും സമ്പർക്കത്തെ തുടർന്നാണ് വൈറസ് ബാധിച്ചത് എന്നും കണ്ടെത്തുകയുണ്ടായി. പുതിയ രോഗികളിൽ 256 പേർ ഫർവാനിയ ഗവർണറേറ്റിലെ താമസക്കാരാണ് എന്നാണ് അധികൃതർ വ്യക്തമാക്കുന്നത്. ഹവല്ലി ഗവർണറേറ്റ് പരിധിയിൽ താമസിക്കുന്ന 131 പേർക്കും അഹമ്മദിയിൽ നിന്നുള്ള 93 പേർക്കും, കാപിറ്റൽ ഗവർണറേറ്റിൽ 74 പേർക്കും ജഹറയിൽ നിന്നുള്ള 44 പേർക്കും ഇന്ന് കോവിഡ് സ്ഥിരീകരിച്ചതായി റിപ്പോർട്ട്.

അതേസമയം റസിഡൻഷ്യൽ ഏരിയ അടിസ്ഥാനമാക്കിയുള്ള കണക്കുകൾ :-

ഫർവാനിയ:89

ഹവല്ലി :76

ഖൈത്താൻ: 41

ജലീബ് അൽ ശുയൂഖ്:61

തുടർന്ന് പുതുതായി 178 പേർ കൂടി രോഗമുക്തി നേടിയതായി റിപ്പോർട്ട് വ്യക്തമാക്കുകയുണ്ടായി. കോവിഡ് മുക്തരായവരുടെ എണ്ണം ഇതോടെ 2907 ആയി ഉയർന്നു. നിലവിൽ 6314 പേരാണ് ചികിത്സയിലുള്ളത്. ഇതിൽ 131 പേർ തീവ്രപരിചരണ വിഭാഗത്തിലാണ്. 71പേരുടെ നില ഗുരുതരമാണെന്നും ആരോഗ്യമന്ത്രലായം വ്യക്തമാക്കുകയും ചെയ്തു.