ഇങ്ങനെയാവണം സാര്... നഴ്സസ് ഡേയില് ആരോഗ്യപ്രവര്ത്തകര്ക്ക് വാനോളം സന്തോഷം നല്കി ഖത്തര് എയര്വേസ്; ആരോഗ്യപ്രവര്ത്തകര്ക്ക് രാജ്യാന്തര തലത്തില് ഒരു ലക്ഷം സൗജന്യ ടിക്കറ്റുകള്; ആരോഗ്യപ്രവര്ത്തകര്ക്കും ഒപ്പം സഞ്ചരിക്കാവുന്ന ഒരാള്ക്കുമാണ് ഈ ടിക്കറ്റ്
നഴ്സസ് ഡേയില് ആരോഗ്യപ്രവര്ത്തകര്ക്ക് ധാരാളം അഭിനന്ദനങ്ങളാണ് വരുന്നത്. എന്നാല് ആരും തന്നെ കൈ മറന്ന് സഹായിക്കാന് തയ്യാറാകുന്നില്ല. എന്നാല് എല്ലാവരേയും അമ്പരപ്പിച്ച് സമ്മാനവുമായി ഖത്തര് എയര്വേസ് എത്തിയിരിക്കുകയാണ്. ലോകത്തെ ലക്ഷക്കണക്കിന് കൊവിഡ് 19 രോഗികള്ക്കു വേണ്ടി ജീവന് പണയംവച്ചും സേവനം ചെയ്ത ആരോഗ്യപ്രവര്ത്തകര്ക്കായി രാജ്യാന്തര തലത്തില് ഒരു ലക്ഷം സൗജന്യ ടിക്കറ്റുകള് നല്കുമെന്ന് ഖത്തര് എയര്വേസ് അറിയിച്ചു.
ലോകമെമ്പാടുമുള്ള ഡോക്ടര്മാര്, നഴ്സുമാര്, ലാബ് ടെക്നീഷ്യന്മാര്, മറ്റ് ജീവനക്കാര് തുടങ്ങി എല്ലാ ആരോഗ്യപ്രവര്ത്തകര്ക്കും ഒരു ജോഡി എക്കോണമി ക്ലാസ് ടിക്കറ്റ് ലഭിക്കാര് അര്ഹരാണ്. ആരോഗ്യപ്രവര്ത്തകര്ക്കും ഒപ്പം സഞ്ചരിക്കാവുന്ന ഒരാള്ക്കുമാണ് ഈ ടിക്കറ്റ്. ഓരോ രാജ്യത്തുമുള്ള ആളുകളുടെ എണ്ണത്തിന്റെ അടിസ്ഥാനത്തിലാണ് ടിക്കറ്റുകള് നല്കുകയെന്നും ഖത്തര് എയര്വേസ് അറിയിച്ചു.
കൂടാതെ എയര്ലൈന്സിന്റെ ദോഹയിലെ ഹബദ് ഇന്റര്നാഷണല് എയര്പോര്ട്ടിലെ ഹബിലുള്ള ഏതൊരു ഖത്തര് ഡ്യുട്ടി ഫ്രീ റീട്ടെയ്ല് ഔട്ട്ലെറ്റില് നിന്നും 35% ഇളവില് സാധനങ്ങള് വാങ്ങാം. നവംബര് 26നകം ടിക്കറ്റുകള് ബുക്ക് ചെയ്യണം. 2020 ഡിസംബര് വരെ ഇതുപയോഗിച്ച് യാത്ര ചെയ്യാം. ഖത്തര് എയര്വേസ് വെബ്സൈറ്റില് മേയ് 11ന് ഈ ഓഫര് ആരംഭിച്ചതായും മേയ് 18 വരെ ഇത് തുടരുമെന്നും കമ്പനി വ്യക്തമാക്കി
https://www.facebook.com/Malayalivartha
