യുഎഇയിൽ നിയന്ത്രങ്ങൾ എല്ലാം തന്നെ എപ്പോൾ ഭാഗികമായി മാറ്റിയതായി വാര്ത്തകള്ക്ക് പിന്നാലെ കൂടുതൽ ജാഗ്രത നിർദ്ദേശങ്ങളും പുറത്തിറക്കുകയും ചെയ്തു.

നിർദ്ദേശങ്ങൾ ഇങ്ങനെ;

പുറത്തുനിന്നു വീട്ടിലേക്കു കയറുമ്പോൾ പാദരക്ഷകൾ പ്രത്യേക സ്ഥലത്തു സൂക്ഷിക്കുക തന്നെ ചെയ്യണം. അതോടൊപ്പം തന്നെ കഴിയുന്നതും വീടിനു പുറത്തു സൂക്ഷിക്കുന്നതാണു സുരക്ഷിതം എന്നതും ഓർത്തുകൊള്ളുക. ഒപ്പം അണുവിമുക്തമാക്കുകയും വേണം.

പുറത്ത് നിന്ന് വീട്ടിലേക്കു കയറുമ്പോൾ ബാഗ്, പഴ്സ്, താക്കോൽ, ഫോൺ, വാങ്ങിയ സാധനങ്ങൾ എന്നിവ കതകിനു അടുത്തായി സൂക്ഷിച്ചിട്ടുള്ള പെട്ടിയിൽ വയ്ക്കുക. ഒപ്പം ഇവ അണുവിമുക്തമാക്കണം.

അതോടൊപ്പം തന്നെ ഗ്ലൗസ് ധരിക്കും മുൻപും ഊരിയശേഷവും കൈകൾ അണുവിമുക്തമാക്കുകയും ചെയ്യണം. ഊരിയ ശേഷം ഗ്ലൗസുകൾ അലക്ഷ്യമായി വലിച്ചെറിയരുത്.

സാധങ്ങൾ കൊണ്ടുവന്നതിനുശേഷം പ്ലാസ്റ്റിക് കവറുകൾ അണുവിമുക്തമാക്കുക. ഷോപ്പിങ്ങിന് പ്രത്യേകം ബാഗ് കൊണ്ടുപോകുന്നതാണ് നല്ലത്.

എന്നാൽ ഉപയോഗശേഷം മാസ്കുകൾ ടിഷ്യൂ പേപ്പറിൽ പൊതിഞ്ഞ് ഉപേക്ഷിക്കുന്നതാണ് ഉചിതം. ഇവയൊന്നും തന്നെ റോഡരികിലും മറ്റും അലക്ഷ്യമായി കളയരുത്. കഴുകി ഉപയോഗിക്കാവുന്ന മാസ്ക് ആണെങ്കിൽ ഇടയ്ക്കിടെ അണുവിമുക്തമാക്കുകയും ചെയ്യണം.

തുടർന്ന് കൈകൾ സോപ്പുലായനിയിൽ 20 സെക്കൻഡ് കഴുകുക. മുഖം കഴുകുന്നതും സുരക്ഷിതമാണ്.

വസ്ത്രങ്ങൾ അലക്ഷ്യമായിടാതെ ലോൺട്രി ബാസ്ക്കറ്റിലോ ഇടുന്നതായിരിക്കും നല്ലത്. ഇവ നനച്ച് അണുവിമുക്തമാക്കി ഉപയോഗിക്കണം.

എന്നാൽ വീട്ടിലായാലും പരസ്പരം സ്പർശിക്കുന്നത് നിയന്ത്രിക്കണം. ഭിത്തിയിലോ ഏതെങ്കിലും പ്രതലത്തിലോ തൊട്ടാൽ അണുവിമുക്തമാക്കുക തന്നെ ചെയ്യണം.

ഒപ്പം ഇലക്ട്രോണിക് ഉപകരണങ്ങൾ അണുവിമുക്തമാക്കുമ്പോൾ നിർമാതാക്കളുടെ മാർഗനിർദേശങ്ങൾ പാലിക്കുകയും ചെയ്യണം.

എന്നാൽ മേശയുടെയും മറ്റും പ്രതലങ്ങളിൽ നനവ് നിലനിൽക്കാതെ ശ്രദ്ധിക്കണം. ഉപയോഗശേഷം ഈർപ്പം പൂർണമായും ഒഴിവാക്കി നന്നായി തുടയ്ക്കണമെന്നാണ് യുഎസ് സെന്റർ ഫോർ ഡിസീസ് കൺട്രോൾ (സിഡിസി) നിർദേശം നൽകുന്നത്. ഇവയെല്ലാം തന്നെ കൃത്യമായി പാലിക്കുന്നത് രോഗാണുക്കൾ തടയാൻ സഹായിക്കുന്നതായിരിക്കും.