ലോകം മുഴുവനും അന്താരാഷ്ട്ര നേഴ്സ് ദിനമായ ഇന്നലെ മാലാഖാമാർക്ക് അധരം അർപ്പിക്കുകയുണ്ടായി. വളരെ വിത്യസ്തമായിട്ടാണ് പലരും ആധാരം അർപ്പിച്ചത്, പ്രത്യേകിച്ച് ലോകം ഒരു ആപൽഘട്ടത്തിലൂടെ കടന്നുപോകുന്ന നേരം. അത്തരത്തിൽ കൊറോണക്കെതിരേ മുന്‍നിരയില്‍ പ്രവര്‍ത്തിക്കുന്ന ആരോഗ്യ പ്രവര്‍ത്തകര്‍ക്ക് ഖത്തര്‍ എയര്‍വെയ്സിന്റെ ആദരം. ഒരു ലക്ഷം ആരോഗ്യപ്രവര്‍ത്തകര്‍ക്ക് സൗജന്യമായി ടിക്കറ്റ് നല്‍കുമെന്ന് ഖത്തര്‍ എയര്‍വെയ്സ് പ്രഖ്യാപിച്ചതായി റിപ്പോർട്ട്.

അതോടൊപ്പം തന്നെ സൗജന്യ ടിക്കറ്റിനായി ഖത്തര്‍ എയര്‍വെയ്സ് വെബ്സൈറ്റില്‍ രജിസ്റ്റര്‍ ചെയ്യണം. ഇന്ന് രാത്രി ഖത്തര്‍ സമയം 12.01 മുതല്‍ ആരംഭിക്കുന്ന രജിസ്ട്രേഷന്‍ മെയ് 18 ന് രാത്രി 11.59ന് അവസാനിക്കുകയും ചെയ്യുന്നതായിരിക്കും. ഫോം പൂരിപ്പിച്ച് നല്‍കി രജിസ്ട്രേഷന്‍ പൂര്‍ത്തിയാക്കുന്നവര്‍ക്ക് മുന്‍ഗണനാ ക്രമപ്രകാരം പ്രൊമോഷന്‍ കോഡ് ലഭിക്കുന്നതായിരിക്കും.

എന്നാൽ ലോകത്തെ എല്ലാ രാജ്യത്തുമുള്ള ആരോഗ്യപ്രവര്‍ത്തകര്‍ക്കും സൗജന്യ ടിക്കറ്റിന് വേണ്ടി അപേക്ഷിക്കാവുന്നതാണ് എന്നതാണ് മറ്റൊരു പ്രത്യേകാത. അപേക്ഷാപ്രക്രിയ സുതാര്യവും നീതിപൂര്‍വവും ആക്കുന്നതിന് ഒരോ രാജ്യത്തും ജനസംഖ്യ അനുസരിച്ച് ദിവസം നിശ്ചിത ടിക്കറ്റുകള്‍ നീക്കിവയ്ക്കും. ദിവസവും രാത്രി 12.01 അതത് ദിവസത്തെ ടിക്കറ്റ് അലോക്കേഷന്‍ പുറത്തുവിടുകയും ചെയ്യുന്നതായിരിക്കും.

അതേസമയം പ്രമോഷന്‍ കോഡ് ലഭ്യമാക്കിയ ആരോഗ്യ പ്രവര്‍ത്തകര്‍ക്ക് ഖത്തര്‍ എയര്‍വെയ്സ് സര്‍വീസ് നടത്തുന്ന ലോകത്തെ ഏത് നഗരത്തിലേക്കും രണ്ട് എക്കോണമി ക്ലാസ് റിട്ടേണ്‍ ടിക്കറ്റുകള്‍ ബുക്ക് ചെയ്യാവുന്നതാണ്. കൂടെവരുന്നയാള്‍ക്കു വേണ്ടിയാണ് രണ്ടാമത്തെ ടിക്കറ്റ് നൽകുന്നത്. നവംബര്‍ 26 ന് മുമ്പ് ടിക്കറ്റ് ബുക്ക് ചെയ്യണം. എന്നാൽ തന്നെയും 2020 ഡിസംബര്‍ 10 വരെയുള്ള യാത്രയ്ക്കാണ് ടിക്കറ്റ് ബുക്ക് ചെയ്യാനാവുക. യാത്ര ചെയ്യേണ്ട സ്ഥലമോ തിയ്യതിയോ പ്രത്യേക ഫീസ് ഇല്ലാതെ എത്ര തവണ വേണമെങ്കിലും മാറ്റാവുന്നതുമാണ്.