അറബ് രാഷ്ട്രങ്ങളിൽ കൊറോണ വ്യാപനത്തെ തുടർന്ന് കടുത്ത പ്രതിസന്ധി ഉയർന്ന സാഹചര്യത്തിൽ രോഗികളും കൂടുന്നതായുള്ള വാർത്തകൾ ഏറെ നിര്ണായകമാകുകയാണ്. അതോടൊപ്പം തന്നെ സൗദിയിൽ കൊറോണ ബാധയെത്തുടർന്ന് 10 വിദേശികൾ കൂടി മരിച്ചതായുള്ള വാർത്തകളാണ് പുറത്തേക്ക് വരുന്നത്. അതിൽ നാലുപേർ വീതം മക്ക, ജിദ്ദ എന്നിവിടങ്ങളിലും ഒരോ ആൾ വീതം റിയാദ്, യാംബു എന്നിവിടങ്ങളിലുമാണ് മരിച്ചത് എന്നാണ് ലഭ്യമാകുന്ന വിവരം. യാംബുവിൽ ഇതാദ്യമായാണ് മരണം രേഖപ്പെടുത്തുന്നത് തന്നെ. എന്നാൽ മരിച്ചത് 43നും 90നും ഇടയിൽ പ്രായമുള്ളവരാണ്. ഇവരെ വിവിധ രോഗങ്ങൾ അലട്ടിയിരുന്നു. ഇതോടെ രാജ്യത്തെ മൊത്തം മരണസംഖ്യ 283 ആയി ഉയർന്നിരിക്കുന്നത്.

അതോടൊപ്പം തന്നെ വീണ്ടും ആശങ്ക പകർന്ന് സൗദിയിൽ രോഗികളുടെ എണ്ണം ഉയർന്നു. അന്ന് മാത്രം 2039 പേരിലാണ് പുതിയതായി രോഗം സ്ഥിരീകരിച്ചത്. ഇതോടെ രാജ്യത്തെ മൊത്തം രോഗബാധിതരുടെ എണ്ണം 46869 ആയി റെക്കോർഡ് വർധനവാണ് സൂചിക്കുന്നത്. ഇതിൽ 27535 പേർ ആശുപത്രിയിൽ ചികിത്സയിലാണ് കഴിയുന്നത്. അതിൽ തന്നെ 156 പേർ ഗുരുതരാവസ്ഥയിൽ തീവ്രപരിചരണ വിഭാഗത്തിലുമാണ് എന്നാണ് അധികൃതർ വ്യക്തമാക്കുന്നത്.

സൗദിയിൽ ഇന്ന് സ്ഥിരീകരിച്ച പുതിയ രോഗികൾ ഇങ്ങനെയാണ്: ജിദ്ദ - 482, റിയാദ് - 478, മക്ക - 356, മദീന - 247, ഹുഫൂഫ് - 93, ദമ്മാം - 93, ത്വാഇഫ് - 68, യാംബു - 27, ഖത്വീഫ് - 21, തുറൈബാൻ - 11, സഫ്വ - 11, ദറഇയ - 11, ഖുൻഫുദ - 10, താദിഖ് - 10, ഖോബാർ - 9, വാദി ദവാസിർ - 8, ബേയ്ഷ് - 7, ബീഷ - 6, ഖറഅ - 6, മുസൈലിഫ് - 6, അൽറൈൻ - 6, ജുബൈൽ - 5, റാസതനൂറ - 5, അൽജഫർ - 4, വാദി അൽഫറഅ - 4, മനാഫ് അൽഹദീദ - 4, ദുർമ - 4, ഖമീസ് മുശൈത് - 3, ദഹ്റാൻ - 3, അൽഖുറുമ - 3, അൽഹദ - 3, ശറൂറ - 3, ഹാഇൽ - 3, അൽഖർജ് - 3, അൽഖറഇ - 2, നമീറ - 2, അബഹ - 1, ബുറൈദ - 1, അൽസഹൻ - 1, അലൈത് - 1, തുവാൽ - 1, തബൂക് - 1, അൽദിലം - 1, ലൈല - 1, ഹുത്ത സുദൈർ - 1