ദിനംപ്രതി കൊറോണ ബാധിതർ ഉയരുന്നതായാണ് കണക്കുകൾ വ്യക്തമാക്കുന്നത്. മരണനിരക്കും ഇതിനോടകം തന്നെ ഉയരുകയാണ്. പ്രത്യേകിച്ച് പ്രവാസലോകത്ത് മരിക്കുന്ന മലയാളികളുടെ എണ്ണം ദിനംപ്രതി വർധിക്കുകയാണ്. ഗള്‍ഫില്‍ ഇന്നലെ മാത്രം കൊവിഡ് ബാധിച്ച് ഏഴ് മലയാളികളാണ് മരിച്ചത്. എന്നാൽ മരിച്ചവരിൽ ഏറെയും യുവാക്കളാണ്. ഇതോടെ ഗൾഫിൽ കോവിഡ് ബാധിച്ച് മരിക്കുന്ന മലയാളികളുടെ എണ്ണം 100 കടക്കുകയുണ്ടായി.

പ്രവാസി മലയാളികൾ ഏറ്റവും കൂടുതൽ രോഗബാധിതരാകുന്ന യു.എ.ഇയിലാണ് ആറ് മരണവും. ഒപ്പം ഒരാൾ കുവൈത്തിലും. കോഴിക്കോട് വടകരക്ക് സമീപം തിരുവള്ളൂർ ചാലിക്കണ്ടി വെള്ളൂക്കര റോഡിലെ ഉണ്ണ്യേച്ച്കണ്ടി അബ്ദുറഹ്മാൻ, മലപ്പുറം പെരുമ്പടന്ന പാലപ്പെട്ടി ആശുപത്രിക്ക് സമീപം കാക്കനാട് ഖാലിദിന്‍റെ മകന്‍ ത്വാഹ, കാസർകോട് ഉടുമ്പുന്തല സ്വദേശി ഒറ്റതയ്യിൽ മുഹമ്മദ് അസ്‍ലം, മാള പുത്തൻചിറ പിണ്ടാണിക്കുന്ന് പരേതനായ പുതിയേടത്ത് ചാത്തുണ്ണിയുടെ മകൻ ഉണ്ണികൃഷ്ണൻ, കൊണ്ടോട്ടി പുളിക്കൽ കൊട്ടപ്പുറം കൊടികുത്തി പറമ്പ് റഫീക്,ആലപ്പുഴ വണ്ടാനം വഞ്ചിക്കൽ മാതാ നിലയത്തിൽ ജോബ് - സി.ജെ മേരിക്കുട്ടി ദമ്പതികളുടെ മകൻ ജോഫി ബി ജോബ് എന്നിവരാണ് യു.എ.ഇയിൽ മാത്രം മരിച്ചത്.

അതോടൊപ്പം തന്നെ 10 വര്‍ഷമായി ഷാര്‍ജ നാഷനല്‍ പെയിൻറ്സിന് സമീപം മൊബൈല്‍ ഷോപ്പില്‍ ജോലി ചെയ്യുകയായിരുന്ന ത്വാഹ റാസല്‍ഖൈമയിലാണ് മരിച്ചത്. 32 വയസുണ്ട് ഇദ്ദേഹത്തിന്. ഖബറടക്കം റാസല്‍ഖൈമയില്‍ തന്നെയാണ് നടന്നത്. അതേസമയം ദുബൈയിലെ സ്വകാര്യ സ്ഥാപനത്തിൽ പി.ആർ.ഒ ആയിരുന്നു കാസർകോട് സ്വദേശി മുഹമ്മദ് അസ്ലം. വയസ് 32. മാള സ്വദേശി ഉണ്ണികൃഷ്ണൻ ഷാർജയിലാണ് മരിച്ചത്. 55 വയസുണ്ട് ഇദ്ദേഹത്തിന്.

തുടർന്ന് വടകര സ്വദേശി അബ്ദുറഹ്മാൻ അബൂദബിയിലാണ് മരിച്ചത്. 59 വയസാണ് ഇദ്ദേഹത്തിന്. കൊണ്ടോട്ടി പുളിക്കൽ സ്വദേശിയും 40കാരനുമായ റഫീഖ് ദുബൈയിലാണ് മരിച്ചത്. തിരുവനന്തപുരം സ്വദേശിയും 40കാരനുമായ ജോഫി ബി ജോബ് ദുബൈയിലെ സ്വകാര്യ കമ്പനി ജീവനക്കാരൻ കൂടിയാണ് ഇദ്ദേഹം. അതോടൊപ്പം തന്നെ കുവൈത്തിൽ മരിച്ചത് തിരുവനന്തപുരം വെങ്ങാനൂർ പീച്ചോട്ടുകോണം സ്വദേശി സുകുമാരൻ മാനുവലാണ് . 54 വയസുണ്ട് ഇദ്ദേഹത്തിന്.