ഗൾഫ് രാഷ്ട്രങ്ങളിൽ ഏറ്റവും കൂടുതൽ പിഴ ഈടാക്കുന്നത് ഗതാഗത നിയമലംഘനങ്ങൾക്കാണ്. ആയതിനാൽ തന്നെയാണ് കൂടുതൽ നിയമലംഘനങ്ങൾ തടയാൻ സാധിക്കുന്നതും. എന്നിരുന്നാൽ തന്നെയും ഗുരുതരമല്ലാത്ത നിയമലംഘനങ്ങൾക്കുപോലും കൂടുതൽ ഫൈൻ ഈടാക്കുകയും ചെയ്തിരുന്നു. ഗുരുതരമല്ലാത്ത ഗതാഗത നിയമലംഘനങ്ങള്‍ക്കുള്ള പിഴയില്‍ 50 ശതമാനം വരെ ഇളവ് വരുത്തി അബുദാബി പൊലീസ്. എന്നാൽ ജൂണ്‍ 22നകം പിഴ അടയ്ക്കുന്നവര്‍ക്കാണ് ഇളവ് ലഭിക്കുക.

അതോടൊപ്പം തന്നെ 2019 ഡിസംബര്‍ 22ന് മുമ്പ് നടത്തിയ ഗുരുതരമല്ലാത്ത നിയമലഘനങ്ങള്‍ക്കുള്ള പിഴയിലാണ് 50 ശതമാനം ഇളവ് വരുത്തിയതെന്ന് അബുദാബി പൊലീസ് അറിയിക്കുകയും ചെയ്തിരുന്നു. 2019 ഡിസംബര്‍ 22ന് ശേഷമുള്ള നിയമലംഘനങ്ങളില്‍ ഇത് രേഖപ്പെടുത്തി 60 ദിവസത്തിനകം പിഴ അടയ്ക്കുന്നവര്‍ക്ക് 35 ശതമാനവും 60 ദിവസത്തിന് ശേഷം പിഴ അടയ്ക്കുന്നവര്‍ക്ക് 25 ശതമാനവുമാണ് ഇളവ് ലഭിക്കുക എന്നതാണ് ലഭ്യമാകുന്ന വിവരം. ഒപ്പം ഗുരുതര ഗതാഗത നിയമലംഘനങ്ങളള്‍ക്കുള്ള പിഴയില്‍ ഇളവില്ല.