കുവൈറ്റ് പ്രവാസികളുടെ ആശങ്കയാകുന്നു;ഒറ്റദിവസം 195 ഇന്ത്യക്കാർക്ക് കൊറോണ സ്ഥിരീകരിച്ചു, ഒപ്പം നാട്ടിലെത്താനാകാത്ത ആശങ്കയും
പ്രവാസികളുടെ നൊമ്പരമാകുകയാണ് കുവൈറ്റ്. ദിനംപ്രതി സ്ഥിരീകരിക്കുന്ന രോഗികളിൽ ഇന്ത്യക്കാരുടെ വൻവർധനവാണ് സൂചിപ്പിക്കുന്നത്. കുവൈത്തിൽ ഇന്നലെ 195 ഇന്ത്യക്കാർ ഉൾപ്പെടെ 665 പേർക്ക് കൂടി കൊവിഡ്-19 സ്ഥിരീകരിക്കുകയുണ്ടായി. ഇതോടുകൂടെ രാജ്യത്ത് കൊവിഡ് സ്ഥിരീകരിച്ചവരുടെ എണ്ണം 21,967 ആയി ഉയർന്നിരിക്കുകയാണ്. ഇതിലൂടെ തന്നെ കുവൈത്തിൽ കൊവിഡ് സ്ഥിരീകരിക്കുന്ന ഇന്ത്യക്കാരുടെ എണ്ണം നാൾക്കുനാൾ വർധിക്കുകയാണ് എന്ന കണക്കുകളാണ് വ്യക്തമാക്കുന്നത്. ഇന്ന് ജീവൻ നഷ്ടമായത് രോഗം സ്ഥിരീകരിച്ച ഒമ്പത് പേർക്കാണ്. തുടർന്ന് കുവൈത്തിലെ മരണസംഖ്യ 165 ആയി ഉയരുകയുണ്ടായി.
ലഭ്യമാകുന്ന കണക്കുകൾ അനുസരിച്ച് 195 ഇന്ത്യക്കാർക്ക് പുറമെ 148 കുവൈത്തികൾക്കും ഈജിപ്ത് സ്വദേശികളായ 96 പേർക്കും 73 ബംഗ്ലാദേശികൾക്കുമാണ് ഇന്നലെ കുവൈത്തിൽ മാത്രം കോവിഡ്-19 സ്ഥിരീകരിച്ചത്. ഒപ്പം രോഗമുക്തി നേടിയവരുടെ എണ്ണം 504 ആണെന്നും ആരോഗ്യ വകുപ്പ് വ്യക്തമാക്കിയിരുന്നു. ഇതോടെ കുവൈത്തിൽ കൊവിഡ് മുക്തി നേടിയവരുടെ ആകെ എണ്ണം 6621 ആയി. നിലവിൽ 15,181 പേരാണ് ചികിത്സയിൽ കഴിയുന്നത്. ഇതിൽ 182 പേർ തീവ്രപരിചരണ വിഭാഗത്തിലാണ് കഴിയുന്നത്. ഇതിനോടകം തന്നെ 273,812 പേർ നിരീക്ഷണത്തിൽ കഴിയുന്നു.
എന്നാൽ റെസിഡൻഷ്യൽ ഏരിയ അടിസ്ഥാനമാക്കിയുള്ള കണക്ക് പ്രകാരം ഇന്നലെ,
ജലീബ് അൽ ശുയൂഖ് -62
ഫർവാനിയ -43
ഹവല്ലി -44
ഖൈത്താൻ -37
എന്നിങ്ങനെയാണ് കൊവിഡ് കേസുകൾ റിപ്പോർട്ട് ചെയ്യപ്പെട്ടത്.
https://www.facebook.com/Malayalivartha