കോറോണയിൽ കീഴടങ്ങി ഒരു മലയാളികൂടി; തിരുവനന്തപുരം മുട്ടട സ്വദേശി കൊറോണ ബാധിച്ച് ഷാർജയിൽ മരിച്ചു
കൊറോണ വൈറസ് ബാധിച്ച ഷാർജയിൽ ഒരു മലയാളികൂടി മരിച്ചു. തിരുവനന്തപുരം മുട്ടട സ്വദേശിയാണ് ഷാർജയിൽ കോവിഡ് ബാധിച്ചു മരിച്ചത്. ഷാർജ ആർട്ട് ഫൗണ്ടേഷൻ ജീവനക്കാരൻ അശ്വനി കുമാറാണ് മരിച്ചത്. 45 വയസാണ്. കോവിഡ് ലക്ഷണങ്ങളെ തുടർന്ന് ഷാർജ കുവൈത്തി ആശുപതിയിൽ ചികിത്സയിൽ കഴിയുകയായിരുന്നു. തുടർന്ന് മൃതദേഹം കോവിഡ് പ്രോട്ടോകോൾ പ്രകാരം യു.എ.ഇയിൽ സംസ്കരിക്കുന്നതായിരിക്കും. ഇദ്ദേഹത്തിന് അമ്മയും ഭാര്യയും രണ്ടുമക്കളുമുണ്ട്.
അതേസമയം സൗദിയില് കോവിഡ് ബാധിച്ച് ഇന്നലെ രണ്ട് മലയാളികളാണ് മരിച്ചത്. മലപ്പുറം വേങ്ങര വെട്ടുതോട് നെല്ലിപ്പറമ്പ് സ്വദേശി വിളഞ്ഞിപ്പുലാന് ശഫീഖ്(43), കണ്ണൂര് ചക്കരക്കല് സ്വദേശി മാമ്പചന്ദ്രോത്ത് കുന്നുമ്പുറം പി.സി സനീഷ്(37) എന്നിവരാണ് ഇന്നലെ മാത്രം സൗദിയിൽ കൊറോണ ബാധിച്ച് മരിച്ചത്. അതോടൊപ്പം തന്നെ കൂടുതൽ പ്രവാസി ഇന്ത്യക്കാർ രോഗബാധിതരാകുന്നത് കുവൈറ്റിലാണ്. തുടർന്ന് കഴിഞ്ഞ 24 മണിക്കൂറിനിടെ 692 പേർക്കാണ് കുവൈത്തിൽ കോവിഡ്-19 സ്ഥിരീകരിച്ചത്. ഇതിൽ 165 പേർ ഇന്ത്യക്കാർ ആണ്. ഇതോടെ കുവൈത്തിൽ കോവിഡ് സ്ഥിരീകരിച്ച ഇന്ത്യക്കാരുടെ എണ്ണം 7395 ആയി ഉയർന്നിരിക്കുകയാണ്.
അതേസമയം ദിനംപ്രതി നിരവധി മലയാളികളാണ് കോവിഡ് ബാധമൂലം വിദേശങ്ങളിൽ മരിക്കുന്നത്. ലോകത്ത് ഏറ്റവും കൂടുതല് മലയാളികള് കൊവിഡ് ബാധിച്ച് മരിച്ചത് ഗള്ഫ് രാജ്യങ്ങലിലാണ് എന്നാണ് കണക്കുകൾ വ്യക്തമാക്കുന്നത്. ഇതുവരെ 128 മലയാളികളാണ് വിവിധ ഗള്ഫ് രാജ്യങ്ങളിലായി കൊവിഡിന് കീഴടങ്ങിയിരിക്കുന്നത്. കഴിഞ്ഞ മൂന്ന് ദിവസത്തിനിടെ 25 മലയാളികളാണ് മരിച്ചത്.
https://www.facebook.com/Malayalivartha