കൊറോണ വ്യാപനത്തിന്റെ പശ്ചാത്തലത്തിൽ ഏറെ ദുരിതം അനുഭവിക്കേണ്ടി വന്നത് പ്രവാസികൾ തന്നെയാണ്. നിരവധി പ്രവാസികളാണ് ഇതിനോടകം തന്നെ കൊറോണ മൂലം മരണത്തിന് കീഴടങ്ങിയത്. അവശ്യ സർവീസുകൾ നൽകി നാട്ടിലേക്ക് എത്തിക്കുമ്പോഴും പ്രവാസികൾക്ക് വിലങ്ങുതടിയാകുകയാണ് പല നിയമങ്ങളും. ഇതിൽ ഏറെ വേദന അനുഭവിക്കേണ്ടി വന്നത് സൗദിയിലെ പ്രവാസികൾക്കാണ് എന്നാലിതാ സൗദിയില്‍ നിന്നും കേരളത്തിലേക്കുള്ള യാത്രക്ക് കോവിഡ് ടെസ്റ്റിന് അനുമതി ലഭിക്കാതിരുന്നാല്‍ പിപിഇ കിറ്റുകള്‍ ധരിച്ച് യാത്രക്ക് അനുവദിക്കണമെന്ന് ആരോഗ്യ പ്രവര്‍ത്തകര്‍ വ്യക്തമാക്കിയിരിക്കുകയാണ്.

എന്തെന്നാൽ കോവിഡ് പ്രതിരോധ കിറ്റ് ധരിച്ച് യാത്ര ചെയ്താല്‍ കോവി‍ഡ് പടരാനുള്ള സാധ്യത കുറവാണ്. കൃത്യത കുറവുള്ള റാപ്പിഡ് ടെസ്റ്റിനേക്കാള്‍ ഇത് ഫലം ചെയ്യുമെന്നും ആരോഗ്യ മേഖലയിലുള്ളവര്‍‌ ചൂണ്ടിക്കാട്ടുകയാണ്. സൗദിയില്‍ നിന്നും നിലവില്‍‌ കേരളത്തിലേക്ക് ആളുകള്‍ യാത്ര ചെയ്യുന്നത് ഗ്ലൌസ്, മാസ്ക്, ഫെയ്സ് ഷീല്‍ഡ്, റോള്‍ അപ്പ് എന്നിവ ധരിച്ച് തന്നെയാണ്. പിപിഇ കിറ്റ് ധരിച്ചാല്‍ വൈറസ് പടര്‍ച്ചുള്ള സാധ്യത താരതമ്യേന കുറവാണ് എന്നതാണ്.

റാപ്പിഡ് ടെസ്റ്റ് നടത്തിയാല്‍ ഫലം കൃത്യമാകില്ല എന്നതും ഓർക്കേണ്ടതുണ്ട്. ഇത് പരിഹരിക്കാനും പിപിഇ കിറ്റ് ധരിച്ചുള്ള യാത്രയാകും ഫലപ്രദമെന്നും ആരോഗ്യ പ്രവര്‍ത്തകര്‍ വ്യക്തമാക്കുകയാണ്. നൂറ് റിയാലിന് താഴെയാണ് കിറ്റിനുള്ള വില എന്നത്. ഇത് സൗദിയില്‍ ലഭ്യമാണെന്നും ചൂണ്ടിക്കാട്ടുകയാണ്. സൗദിയിലെ ആരോഗ്യ മന്ത്രാലയം റാപ്പിഡ് ടെസ്റ്റിന് അനുമതി നിഷേധിച്ചാല്‍ ഈ രീതി പരിഗണിച്ചുകൂടേയെന്നാണ് പ്രവാസി സംഘടനകളുടേയും ചോദ്യം എന്നത്.