കഴിഞ്ഞ 24 മണിക്കൂറിൽ ബഹ്റൈനില്‍ പുതിയതായി 508 പേര്‍ക്ക് കൂടി കൊവിഡ് വൈറസ് ബാധ സ്ഥിരീകരിച്ചതായി ആരോഗ്യ മന്ത്രാലയം അറിയിച്ചു. ഇവരില്‍ 317 പേര്‍ പ്രവാസി തൊഴിലാളികളാണ് എന്നാണ് ലഭ്യമാകുന്ന വിവരം. 189 പേര്‍ക്ക് നേരത്തെ രോഗം സ്ഥിരീകരിച്ചവരുമായുള്ള സമ്പര്‍ക്കം മൂലമാണ് രോഗം ബാധിച്ചിരിക്കുന്നത്. അതേസമയം രണ്ട് പേര്‍ക്ക് യാത്രയില്‍ നിന്ന് വൈറസ് ബാധയേല്‍ക്കുകയായിരുന്നു.

അതോടൊപ്പം തന്നെ ബുധനാഴ്ച മാത്രം 8735 കൊവിഡ് പരിശോധനകളാണ് ബഹ്റൈനില്‍ നടത്തിയത്. ഇതുവരെ 5,02,763 കൊവിഡ് ടെസ്റ്റുകള്‍ ബഹ്റൈനില്‍ നടത്തുകയുണ്ടായി. 527 പേര്‍ക്ക് പുതിയതായി രോഗം ഭേദമാവുകയുണ്ടായി. ഇതോടെ ഇതുവരെ കൊവിഡ് ഭേദമായവരുടെ എണ്ണം 17,977 ആയി ഉയർന്നു. ചികിത്സയില്‍ കഴിയുന്ന 162 പേരില്‍ 38 പേരുടെ നില ഗുരുതരമാണ് എന്നാണ് ലഭ്യമാകുന്ന വിവരം. ആകെ രോഗികളായ 5525 പേരില്‍ 5487 പേര്‍ക്കും മറ്റ് ആരോഗ്യ പ്രശ്നങ്ങളില്ലെന്നും അധികൃതര്‍ അറിയിക്കുകയുണ്ടായി.