പ്രവാസികളെ ഒരുവിധേനയും ജീവിക്കാൻ അനുവദിക്കാത്തത് തികച്ചും വേദനയായി മാറുകയാണ്. പ്രതിസന്ധിഘട്ടങ്ങളിൽ മാത്രം പ്രവാസികളെ നേരിട്ട് കണ്ട് സഹായം അഭ്യർത്ഥിച്ചവരൊക്കെ എവിടെ? വിമാനക്കമ്പനികളും ട്രാവൽ അജൻസികളും ഒപ്പം അധികൃതർപോലും ചൂഷണം ചെയ്യുന്ന കാഴ്ചയാണ് കോറോണക്കാലം സമ്മാനിച്ചത്. എന്നാൽ കൊവിഡ് കാലത്ത് എങ്ങനെയെങ്കിലും നാട്ടിലെത്താന്‍ ശ്രമിക്കുന്ന പ്രവാസികളെ ചൂഷണം ചെയ്ത് ട്രാവല്‍ ഏജന്‍സികള്‍. കഴിഞ്ഞ ദിവസം ഷാര്‍ജയില്‍ നിന്ന് കോഴിക്കോട്ടേക്ക് വന്ന എയര്‍ അറേബ്യയുടെ ചാര്‍ട്ടേഡ് വിമാനത്തില്‍ യാത്ര ചെയ്യാന്‍ റീഗല്‍ ട്രാവല്‍ ഏജന്‍സി എന്ന സ്ഥാപനം 38,000 രൂപയാണ് ഇദ്ദേഹത്തിൽ നിന്നും ഈടാക്കിയത്. എന്നാൽ വിവിധ സംഘടനകള്‍ 19,000 രൂപയ്ക്ക് ദുബായില്‍ നിന്ന് കോഴിക്കോട്ടേക്ക് പ്രവാസികളെ എത്തിക്കുന്നതിനിടെയാണ് പ്രവാസികളോടുള്ള ചില ട്രാവല്‍ ഏജന്‍സികളുടെ ഈ ക്രൂരത.

അതേസമയം കൊവിഡ് പ്രതിസന്ധി ട്രാവല്‍ ഏജന്‍സികള്‍ മുതലെടുക്കുകയാണ് എന്നാണ് കോഴിക്കോട് കോടഞ്ചേരി സ്വദേശിയായ ജോബ്സണ്‍ പറയുന്നത്. ഷാര്‍ജയില്‍ ജോലി ചെയ്തിരുന്ന കമ്പനിയില്‍ നിര്‍ബന്ധിത അവധിയില്‍ പോകാന്‍ പറഞ്ഞതോടെ രണ്ടുമാസത്തിലേറെ കടുത്ത പ്രതിസന്ധിയിലായിരുന്ന ജോബ്സണ്‍ ഏതുവിധേനയും നാടണയാൻ തയാറായത്. എന്നാൽ നാട്ടില്‍ പോകാന്‍ വിമാനമില്ല. ഒടുവില്‍ ചാര്‍ട്ടേട് വിമാനത്തില്‍ ടിക്കറ്റ് സംഘടിപ്പിക്കാന്‍ തീരുമാനിക്കുകയായിരുന്നു. ഷാര്‍ജയില്‍ നിന്ന് കോഴിക്കോട്ടേക്ക് ഇക്കഴിഞ്ഞ 23 ന് വരാന്‍ റീഗല്‍ ട്രാവല്‍ ഏജന്‍സി എന്ന സ്ഥാപനം വാങ്ങിയത് 38000 രൂപയാണ്. അതായത് 1900 ദിര്‍ഹം. പണം കടംവാങ്ങി ടിക്കറ്റെടുത്ത് നാട്ടിലെത്തി ക്വാറന്‍റീനിലാണ് ജോബ്സണിപ്പോള്‍ കഴിയുന്നത്.

ആയതിനാൽ തന്നെ ജോബ്സണെ പോലെ കടുത്ത പ്രതിസന്ധിയിലായ നിരവധി പ്രവാസികളാണ് ഇതുപോലെ ചൂഷണത്തിന് ഇരയാകുന്നത്. എന്നാൽ ചില ട്രാവല്‍ ഏജന്‍സികള്‍ക്ക് തോന്നും പോലെയാണ് ടിക്കറ്റിന് നിരക്ക് ഈടാക്കുന്നത്. കഴിഞ്ഞ ദിവസം കോഴിക്കോട്ടേക്ക് ദുബായില്‍ നിന്നുള്ള വിമാനത്തില്‍ കെഎംസിസിയെപ്പോലുള്ള സംഘടനകള്‍ 19000 രൂപയ്ക്ക് ടിക്കറ്റ് നല്‍കുമ്പോഴാണ് 38000 രൂപ ചില യാത്രക്കാര്‍ക്ക് കൊടുക്കേണ്ടി വരുന്നത് എന്നത് വളരെ ദയനീയം തന്നെയാണ്. ഇതേതുടർന്ന് ഒരു ഗതിയുമില്ലാതെയാണ് മിക്കവരും എങ്ങനെയെങ്കിലും നാട്ടിലെത്തണമെന്ന തീരുമാനമെടുക്കുന്നത്. ഭക്ഷണം കഴിക്കാന്‍ പോലും ഗതിയില്ലാതെ കടംവാങ്ങിയും മറ്റും ടിക്കറ്റ് സംഘടിപ്പിക്കുന്ന പ്രവാസികളോടാണ് ട്രാവൽ ഏജൻസികളുടെ ഈ ക്രൂരത.