കോവിഡ് ജാഗ്രതയുടെ ഭാഗമായി അബുദാബിയിലേക്കുള്ള പ്രവേശനത്തിന് നാളെ മുതൽ കടുത്ത നിയന്ത്രണം പ്രഖ്യാപിച്ചിരിക്കുകയാണ് അധികൃതർ. 50 ദിർഹത്തിന്റെ ലേസർ ഡിപിഐ ടെസ്റ്റ് മാത്രം എടുത്ത് അബുദാബിയിലേക്കു പ്രവേശിക്കാനാവില്ല എന്നാണ് അധികൃതർ വ്യക്തമാക്കുന്നത്. പുതിയ നിയമം അനുസരിച്ച് 48 മണിക്കൂറിനകം എടുത്ത പിസിആർ നെഗറ്റീവ് സർട്ടിഫിക്കറ്റോ ലേസർ ഡിപിഐ ടെസ്റ്റിനൊപ്പം 6 ദിവസത്തിനകം എടുത്ത പിസിആർ നെഗറ്റീവ് സർട്ടിഫിക്കറ്റോ ഹാജരാക്കിയാലേ പ്രവേശനം അനുവദിക്കുകയുള്ളു.

എന്നാൽ 6 ദിവസത്തിനുള്ളിൽ വീണ്ടും ഇതേ രീതിയിൽ ടെസ്റ്റ് നടത്തിവന്നാലും പരിഗണിക്കുന്നതല്ല. കോവിഡ് വാക്സീൻ പരീക്ഷണത്തിൽ പങ്കാളിയായ വൊളന്റിയർമാർക്ക് ഇളവുണ്ടെന്നും ദേശീയ അത്യാഹിത, ദുരന്ത നിവാരണ സമിതി അറിയിക്കുകയുണ്ടായി. ഇവർക്ക് ക്യൂ നിൽക്കാതെ തന്നെ പ്രവേശനം അനുവദിക്കുന്നതാണ്. ആയതിനാൽ തന്നെ പ്രവാസികൾ കൃത്യമായ മാനദണ്ഡങ്ങൾ പാലിക്കുക.