ലോകം ഒന്നടങ്കം കൊറോണവൈറസ് ഭീതിയിൽ ആഴ്ന്നിട്ട് മാസങ്ങൾ പിന്നിടുന്നു. ഇതോടെ രാജ്യാന്തര യാത്രകളെല്ലാം തന്നെ മുടങ്ങുകയുണ്ടായി. മാസങ്ങളോകം മുടങ്ങിയ ഈ വിമാനയാത്രകൾ ചെറിയ ഇളവുകളോടെ കടുത്ത നിബന്ധനകൾ മുൻനിർത്തി രംഭിക്കുകയും ചെയ്തു. എന്നാൽ അതിൽ ഏറ്റവും പ്രധാനപ്പെട്ട ഒന്നുതന്നെയാണ് മാസ്ക്. ഇപ്പോഴിതാ വിമാനയാത്രയിൽ മുഴുവൻ സമയവും മാസ്ക് നിർബന്ധമെന്ന് ഇന്റർനാഷനൽ എയർ ട്രാൻസ്പോർട് അസോസിയേഷൻ അറിയിക്കുകയുണ്ടായി.

യാത്രയ്ക്കിടെ ചിലർ മാസ്ക് ധരിക്കാൻ വിസമ്മതിച്ചതിനെ തുടർന്നാണ് അധികൃതരുടെ വിശദീകരണം. എല്ലാവരുടെയും ആരോഗ്യ സുരക്ഷ കണക്കിലെടുത്ത് ഇക്കാര്യത്തിൽ വിട്ടുവീഴ്ചയില്ലെന്നും ഇതോടൊപ്പം തന്നെ വ്യക്തമാക്കി. ചട്ടങ്ങൾ പാലിക്കാത്തവരുടെ യാത്ര റദ്ദാക്കുകയും തുടർന്നുള്ള യാത്രകൾക്ക് നിയന്ത്രണങ്ങൾ ഏർപ്പെടുത്തുകയും ചെയ്യുമെന്ന് തെക്കേതും നൽകുകയുണ്ടായി.

അതോടൊപ്പം തന്നെ പിഴയടക്കമുള്ള മറ്റു നടപടികളും പരിഗണനയിലാണ്. വിമാന കമ്പനികളുടെ വ്യവസ്ഥകൾ പാലിക്കാമെന്നുള്ള സമ്മതപത്രം കൂടിയാണ് ടിക്കറ്റ് എന്ന് അയാട്ട ഡയറക്ടർ ജനറലും സിഇഒയുമായ അലക്സാണ്ടർ ഡി ജുനൈക് വ്യക്തമാക്കിയത്. വ്യവസ്ഥകൾ പാലിക്കാൻ ഓരോ യാത്രക്കാരനും ബാധ്യസ്ഥനാണ്. എന്നാൽ ചിലരുടെ സ്വാർഥ താൽപര്യങ്ങൾ മറ്റുള്ളവരുടെ സുരക്ഷിതത്വത്തെയാണ് ബാധിക്കുന്നത്. വിമാന ഇരിപ്പിടങ്ങളുടെ പ്രത്യേകതയും വായുപ്രവാഹവും ഉൾപ്പെടെയുള്ള ഘടകങ്ങളും പരിഗണിക്കുമ്പോൾ മാസ്ക് നിർബന്ധമായും ധരിക്കണമെന്നു അധികൃതർ ചൂണ്ടിക്കാട്ടി.