യുഎഇയിൽ നടക്കുന്ന ഒട്ടുമിക്ക നറുക്കെടുപ്പുകളിലും പ്രവാസികളെ ഭാഗ്യം തേടിവന്നിട്ടുണ്ട്. കോടികളുടെ ഭാഗ്യം നമ്മുടെ ഇന്ത്യക്കാരായ പ്രവാസികൾക്ക് കരസ്ഥമാക്കാൻ സാധിച്ചിട്ടുണ്ട്. എന്നാൽ വീണ്ടും ആ ഭാഗ്യം കൈവന്ന വിരളം ചിലരിൽ ഒരാളായി മാറിയിരിക്കുകയാണ് ഈ പ്രവാസി . ഇന്ത്യക്കാരന് വീണ്ടും ദുബായിൽ കോടികളുടെ ഭാഗ്യം കൈവന്നിരിക്കുകയാണ്. ദുബായ് ഡ്യൂട്ടി ഫ്രി മില്ലേനിയം മില്യനയർ നറുക്കെടുപ്പിൽ ദുബായ് നോളജ് ആൻഡ് ഹ്യൂമൻ ഡെവലപ്മെന്റ് അതോറിറ്റി (കെഎച്ച്ഡിഎ) ഹയർ എജുക്കേഷൻ വിഭാഗത്തിൽ ഡയറക്ടറായ നിതേഷ് സുഗ് നാനിക്കാണ് ഏഴ് കോടിയിലേറെ രൂപ അതായത് 10 ലക്ഷം യുഎസ് ഡോളറാണ് സമ്മാനം ലഭിച്ചിരിക്കുന്നത്.

കഴിഞ്ഞ 30 വർഷമായി ദുബായിലുള്ള ഇദ്ദേഹം 15 വർഷമായി ഇത്തരത്തിൽ ഭാഗ്യപരീക്ഷണം നടത്തുകയാണ്. ഇൗ മാസം 13ന് ഒാൺലൈനിലെടുത്ത 337 സീരീസിലെ 2321 നമ്പർ ടിക്കറ്റാണ് ഒടുവിൽ ഭാഗ്യം കൊണ്ടുവന്നത് തന്നെ. എന്നാൽ നേരത്തേ ദുബായ് നറുക്കെടുപ്പിൽ ബിഎംഡബ്ല്യു കാർ സമ്മാനം ഇദ്ദേഹം നേടിയിരുന്നു. കൂടാതെ, ഇദ്ദേഹത്തിന്റെ പിതാവിനും 1995ൽ ആഡംബര കാർ സമ്മാനം ലഭിച്ചിട്ടുണ്ട്.

അതോടൊപ്പം തന്നെ ലോകത്ത് മറ്റെവിടെയും ഇല്ലാത്ത ഇത്തരമൊരു നറുക്കെടുപ്പിൽ എന്നെങ്കിലും ഒരിക്കൽ താൻ വിജയിക്കുമെന്ന് ഉറപ്പുണ്ടായിരുന്നതായി നിതേഷ് വ്യക്തമാക്കുകയുണ്ടായി. പണം എങ്ങനെ ചെലവഴിക്കണമെന്ന കാര്യം പിന്നീട് ആലോചിച്ച് തീരുമാനിക്കും. ഭാര്യയോടും ഏക മകളോടുമൊപ്പമാണ് നിതേഷ് ദുബായിൽ ജീവിക്കുന്നത്. 1999 ൽ ദുബായ് ഡ്യുട്ടി ഫ്രി മില്ലെനിയം മില്യനയർ നറുക്കെടുപ്പ് ആരംഭിച്ചതിന് ശേഷം ഒന്നാം സമ്മാനം നേടുന്ന 167–ാമത്തെ ഇന്ത്യക്കാരൻ കൂടിയാകുകയാണ് ഇദ്ദേഹം.മറ്റു നറുക്കെടുപ്പിൽ ദുബായിൽ സെയിൽസ് വിഭാഗത്തിൽ ജോലി ചെയ്യുന്ന ഇന്ത്യക്കാരൻ ജോബി ജോൺ ബിഎം ഡബ്ല്യു എഫ് 900 എക്സ് ആർ മോട്ടോർ ബൈക്ക് സമ്മാനം നേടുകയും ചെയ്യുന്നതാണ്.