കോവിഡ് 19 ലോകത്തെ ഒട്ടുമിക്ക രാജ്യങ്ങളുടെയും സാമ്പത്തിക സ്ഥിതിയെയും സാമൂഹിക അന്തരീക്ഷത്തെയും തകിടം മറിച്ചിരിക്കുകയാണ്.ഇതിൽ ഏറ്റവും കൂടുതൽ ബുദ്ധിമുട്ട് അനുഭവിക്കുന്നത് പ്രവാസി സഹോദരങ്ങൾ ആണ്.കോവിഡ് ക്കാലത്ത് പല പ്രവാസി സഹോദരങ്ങളുടെയും തൊഴിൽ നഷ്ടമാകുകയും അവർക്ക് നാട്ടിലേക്ക് തിരിച്ചു വരേണ്ടി വരികയും വന്നു .ചിലർക്ക് അതിനും കഴിയാത്ത അവസ്ഥയാണ് .ഇന്നും തൊഴിലില്ലാതെ കഷ്ടപ്പെടുന്ന നിരവധി പ്രവാസികൾ നമുക്ക് ചുറ്റും ഉണ്ട് .അവരുടെ വാർത്തകൾ നാം അനുദിനം കാണാറും ഉണ്ട് .എന്നാൽ ഇപ്പോൾ പ്രവാസികളായ സൗദിയിലെ അധ്യാപകർക്ക് ഒരു സന്തോഷ വാർത്ത പുറത്തു വരുന്നുണ്ട് .അത് ഇങ്ങനെയാണ് .

സ്വകാര്യ സ്‌കൂളുകളില്‍ സേവനമനുഷ്ഠിക്കുന്ന വിദേശ അധ്യാപകര്‍ക്ക് സൗദിയിലേക്ക് മടങ്ങാന്‍ അനുമതി നൽകിയിരിക്കുന്നു എന്നതാണ് അത് . പ്രത്യേക സാഹചര്യങ്ങളും കേസുകളും പരിഗണിച്ച് സൗദിയില്‍ നിന്ന് പുറത്തേക്കും വിദേശങ്ങളില്‍ നിന്ന് സൗദിയിലേക്കും മടങ്ങാന്‍ അനുമതി നല്‍കുന്ന എക്സെപ്ഷന്‍സ് കമ്മിറ്റിയാണ് സ്വകാര്യ സ്‌കൂള്‍ അധ്യാപകര്‍ക്ക് രാജ്യത്തേക്ക് മടങ്ങാന്‍ അനുമതി നല്‍കിയത്.എന്നാൽ സൗദിയിലേക്ക് മടങ്ങുന്ന അധ്യാപകര്‍ കോവിഡ് നെഗറ്റീവ് സര്‍ട്ടിഫിക്കറ്റ് ഹാരജാക്കണം. യാത്രയുടെ 48 മണിക്കൂറിനുള്ളിലാണ് പിസിആര്‍ പരിശോധന നടത്തേണ്ടത്. കൂടാതെ ഇവര്‍ ഹെല്‍ത്ത് ക്വാറന്റീനും പാലിക്കണം എന്നാണ് നിദ്ദേശങ്ങൾ .

പുതിയ അധ്യയന വര്‍ഷത്തിനുള്ള ഒരുക്കങ്ങളുടെ ഭാഗമായി സ്വകാര്യ, ഇന്റര്‍നാഷണൽ സ്‌കൂളുകളില്‍ ജോലി ചെയ്യുന്ന വിദേശ അധ്യാപകരുടെ മടക്കയാത്രയുമായി ബന്ധപ്പെട്ട് ആരോഗ്യ മന്ത്രിക്ക് വിദ്യാഭ്യാസ മന്ത്രി സന്ദേശം അയച്ചിരുന്നു.ഇതേ തുടർന്നാണ് ഇപ്പോൾ അനുമതി നൽകിയിരിക്കുന്നത് .
സൗദിയിലേക്കുള്ള മടക്കയാത്രാ നടപടികള്‍ പൂര്‍ത്തിയാക്കുന്നതിന് വിദേശങ്ങളിലെ സൗദി കോണ്‍സുലേറ്റുകളെ സമീപിക്കാന്‍ ജീവനക്കാരോട് ആവശ്യപ്പെടണമെന്നാണ് നിര്‍ദേശം. റിയാദിലെ സ്വകാര്യ, ഇന്റര്‍നാഷണല്‍ സ്‌കൂള്‍ ഉടമകളുമായി ആശയവിനിമയം നടത്തി ഇക്കാര്യം അറിയിക്കാന്‍ റിയാദ് വിദ്യാഭ്യാസ വകുപ്പിനു കീഴിലെ സ്വകാര്യ വിദ്യാഭ്യാസ ഓഫീസിനെ ചുമതലപ്പെടുത്തിയിട്ടുണ്ട്.

കോവിഡുമായി ബന്ധപ്പെട്ട് സൗദിയിലെ നിയന്ത്രണങ്ങൾ കൂടുതൽ കർശനമാക്കിയിട്ടുണ്ട് .കഴിഞ്ഞ ദിവസം സൗദിയില്‍ ഇന്ന് 1,114 പേര്‍ക്ക് കോവിഡ് സ്ഥിരീകരിച്ചതായി ആരോഗ്യ മന്ത്രാലയം അറിയിച്ചിരുന്നു . ഇതോടെ ആകെ സ്ഥിരീകരിച്ച കേസുകളുടെ എണ്ണം 3,09,768 ആയി. കഴിഞ്ഞ 24 മണിക്കൂറിനിടെ 31 പേര്‍ കൂടി കോവിഡ് ബാധിച്ച് മരണപ്പെട്ടു. ആകെ മരണം 3,722.

സൗദിയില്‍ നിലവില്‍ ചികിത്സയില്‍ കഴിയുന്നത് 22,14 പേരാണ്. 1,639 പേര്‍ തീവ്രപരിചരണ വിഭാഗത്തിലാണ്. അതേസമയം, രാജ്യത്ത് ഇന്ന് 1,044 പേര്‍ കൂടി രോഗമുക്തി നേടി. ഇതോടെ ആകെ രോഗമുക്തി നേടിയവരുടെ എണ്ണം 2,83,932 ആയി. വളരെ കരുതലോടെയുള്ള പ്രവർത്തനമാണ് നിലവിൽ സൗദിയിൽ നടക്കുന്നത് .കോവിഡ്മായി ബന്ധപ്പെട്ട് നിരവധി വാർത്തകളാണ് ഓരോ ദിവസവും പുറത്തു വരുന്നത് .കോവിഡ് രൂക്ഷമായ സാഹചര്യത്തിൽ നിരവധി പ്രവാസികൾ നാട്ടിലേക്ക് മടങ്ങിയിരുന്നു .എന്നാൽ കോവിഡ് നിയന്ത്രണങ്ങൾ പാലിച്ച് പഴയ സ്ഥിതിയിലേക്ക് മടങ്ങാനുള്ള തയ്യാറെടുപ്പിലാണ് ഇപ്പോൾ പ്രവാസി ലോകം .