സൗദി അറേബ്യയിലെ വിവിധ പ്രദേശങ്ങള്‍ ലക്ഷ്യമിട്ട് ഹൂതികള്‍ നടത്തുന്ന ആക്രമണങ്ങള്‍ തുടരുകയാണ്. ഇപ്പോഴിതാ സ്ഫോടക വസ്തുക്കള്‍ നിറച്ച് സൌദിയിലെ അബഹ വിമാനത്താവളത്തിന് നേരെ ഹൂതികളുടെ ഡ്രോണ്‍ ആക്രമണം. എന്നാൽ ഇതിനോടകം തന്നെ ഡ്രോണ്‍ ആകാശത്ത് വെച്ച് തകര്‍ത്തതായി സൌദി സഖ്യസേന അറിയിച്ചു. ആകാശത്ത് വെച്ച് തകര്‍ത്ത ഡ്രോണിന്‍റെ അവശിഷ്ടങ്ങള്‍ വിമാനത്താവളത്തിന്‍റെ ഒരു ഭാഗത്ത് പതിക്കുകയായിരുന്നു. ഇതിലൂടെ ആര്‍ക്കും പരിക്കോ വലിയ നാശനഷ്ടടമോ ഇല്ലെന്ന് സഖ്യസേന അറിയിക്കുകയുനടയി. ഇറാന്‍ പിന്തുണയോടെയാണ് ഹൂതികള്‍ ആസൂത്രിതമായ ആക്രമണം നടത്തുന്നത്.

അതോടൊപ്പം തന്നെ സാധാരണക്കാരെ ലക്ഷ്യം വെച്ച് നടന്ന തീവ്രവാദി ആക്രമണത്തില്‍ തിരിച്ചടിയുണ്ടാകുമെന്ന് സഖ്യസേന പറയുകയാണ്. യമനിലെ ഹുദൈദയില്‍ നിന്ന് ആയുധങ്ങള്‍ നിറച്ച് തീരത്തേക്ക് വിട്ട ബോട്ടും സഖ്യസേന ഇതോടൊപ്പം തന്നെ തകര്‍ത്തു. ആര്‍ക്കും പരിക്കില്ല എന്നാണ് ലഭ്യമാകുന്ന വിവരം. തുടർന്ന് കഴിഞ്ഞ വര്‍ഷം ജൂണില്‍ ഇതേ വിമാനത്താവളത്തിലേക്ക് സമാന ആക്രമണം നടക്കുകയുണ്ടായി. അന്ന് ഒരാള്‍ മരിക്കുകയും ഏഴ് പേര്‍ക്ക് പരിക്കേല്‍ക്കുകയും ചെയ്തിരുന്നു.

അതേസമയം കഴിഞ്ഞ വ്യാഴാഴ്ച നജ്‍റാന്‍ ലക്ഷ്യമിട്ടാണ് ബാലിസ്റ്റിക് മിസൈല്‍ ആക്രമണം നടന്നതെന്ന് ഔദ്യോഗിക വാര്‍ത്താ ഏജന്‍സി റിപ്പോര്‍ട്ട് ചെയ്യുകയുണ്ടായി. എന്നാല്‍ ലക്ഷ്യസ്ഥാനത്ത് എത്തുന്നതിന് മുമ്പ് മിസൈല്‍ അറബ് സഖ്യസേന തകര്‍ത്തത് ഏറെ ആശ്വാസം നൽകുകയാണ്.രണ്ട് ആക്രമണശ്രമങ്ങളും വിജയകരമായി പ്രതിരോധിക്കാനായെന്ന് അറബ് സഖ്യസേന അറിയിച്ചു.