നയതന്ത്ര ഉദ്യോഗസ്ഥരെ വഹിച്ച് കൊണ്ടുള്ള പ്രഥമ ഇസ്രയേല്‍ വിമാനം യുഎഇയുടെ മണ്ണില്‍ പറന്നിറങ്ങി. ചരിത്രത്തില്‍ ആദ്യമായാണ് ഒരു ഇസ്രയേല്‍ വിമാനം അറബ് രാജ്യത്ത് ഇറങ്ങുന്നത്. യുഎഇഇസ്രയേല്‍ നയതന്ത്ര ബന്ധം സ്ഥാപിക്കുന്നതിന്റെ ഭാഗമായാണ് ഇസ്രയേല്‍ വിമാനം യുഎഇയില്‍ എത്തുന്നത്.

ഇസ്രയേല്‍, അമേരിക്കന്‍ നയതന്ത്ര പ്രതിനിധികളായിരുന്നു ആദ്യ വിമാനത്തിലെ യാത്രക്കാര്‍. ആദ്യ വിമാനം അബുദാബി വിമാനതാവളത്തിലാണ് ഇറങ്ങിയത്. യുഎഇയിലേക്കുള്ള വിമാനത്തിന് സൗദി വ്യോമപാത തുറന്ന് കൊടുത്തു. വിമാനത്തില്‍ അറബി, ഇംഗ്ലീഷ് ഹീബ്രു ഭാഷകളില്‍ സമാധാനം എന്ന് എഴുതിയിരുന്നു.