ഇന്ത്യക്കും ഒമാനും ഇടയില് എയര് ബബ്ള് കരാര് നലവിൽ; ഇരു രാഷ്ട്രങ്ങളിലെയും വിമാന കമ്പനികള്ക്ക് സര്വീസ് നടത്താൻ കഴിയും, ഒമാനിലെത്തുന്നവരും രാജ്യത്തെ കൊവിഡ് സുരക്ഷാ മാനദണ്ഡങ്ങള് പാലിക്കണം
ഇന്ത്യക്കും ഒമാനും ഇടയില് എയര് ബബ്ള് കരാര് ഇന്നലെ മുതൽ നലവില് വന്നു. ഇതുവഴി ഇരു രാഷ്ട്രങ്ങളിലെയും വിമാന കമ്പനികള്ക്ക് സര്വീസ് നടത്താനാകുന്നതാണ്. പ്രവാസികളുടെ യാത്രാ പ്രതിസന്ധി പരിഹരിക്കുന്നതാകും എയര് ബബ്ള് കരാര് എന്നതുകൊണ്ട് ഉദ്ദേശിക്കുന്നത്. ഇതുവഴി വലിയ ആശ്വാസമാകും പ്രവാസികൾക്ക് ലഭ്യമാകുക. കേന്ദ്ര സിവില് ഏവിയേഷന് മന്ത്രി ഹര്ദീബ് സിംഗ് പുരിയാണ് ഇത് സംബന്ധിച്ചത് പ്രഖ്യാപനം നടത്തിയിരിക്കുന്നത്. നിലവില് ഗള്ഫ് രാഷ്ട്രങ്ങള് ഉള്പ്പടെ വിവിധ രാഷ്ട്രങ്ങളുമായി ഇന്ത്യ എയര് ബബ്ള് പ്രകാരം വിമാന സര്വീസുകള് നടത്തിവരുകയാണ്. ഇതുകൂടാതെ തന്നെ നിലവില് വന്ദേ ഭാരത് മിഷന് സര്വീസുകളും ചാര്ട്ടേഡ് വിമാനങ്ങളും സര്വീസ് നടത്തിവരുന്നത്.
ഇന്ത്യയിലേക്കുള്ള വിമാനങ്ങളിൽ ഇവിടെ കുടുങ്ങി കിടക്കുന്ന ഇന്ത്യക്കാർ, ഒ.സി.െഎ കാർഡ് ഉടമകൾ, ഇന്ത്യൻ വിസ ലഭിച്ച ഒമാനി പൗരന്മാർ എന്നിവർക്കാണ് യാത്രാനുമതി ലഭ്യമാകുക. ഒമാനിലേക്കുള്ള വിമാനങ്ങളിൽ സ്വദേശികൾ, ഒമാനിലേക്ക് പോകുന്ന റസിഡൻറ് വിസയിലുള്ള ഇന്ത്യക്കാർ എന്നിവർക്ക് യാത്ര ചെയ്യാൻ സാധിക്കുന്നതാണ്. ഇതുകൂടാതെ തന്നെ ഒമാനിലേക്കുള്ള ഇന്ത്യക്കാരുടെ പ്രവേശനാനുമതി സംബന്ധിച്ച വിഷയങ്ങൾ ടിക്കറ്റ് നൽകുേമ്പാൾ വിമാന കമ്പനി ഉറപ്പുവരുത്തേണ്ടതാണ്. ഇരുരാജ്യങ്ങളിലെയും വ്യോമയാന മന്ത്രാലയങ്ങളുടെ നിർദേശങ്ങൾക്ക് അനുസരിച്ചും കോവിഡ് മാനദണ്ഡങ്ങൾക്കും അനുസരിച്ചായിരിക്കണം സർവീസ് നടത്തേണത്.
https://www.facebook.com/Malayalivartha
