കുവൈത്തിൽ കഴിഞ്ഞ 24 മണിക്കൂറിനിടെ 886 പേർക്ക്​ കൂടി കോവിഡ്​ സ്ഥിരീകരിച്ചു. എന്നാൽ ഇതുവരെ 117,718 പേർക്കാണ്​ വൈറസ്​ ബാധിച്ചത്​. ചൊവ്വാഴ്​​​ച 592 പേർ ഉൾപ്പെടെ 109,198 പേർ രോഗമുക്​തി നേടുകയുണ്ടായി. നാലുപേർ കൂടി മരിച്ചതോടെ രാജ്യത്തെ കോവിഡ്​ മരണം 714 ആയി ഉയർന്നു. ബാക്കി 7806 പേരാണ്​ ചികിത്സയിൽ കഴിയുന്നത്​.

അതേസമയം 133 പേർ തീവ്രപരിചരണ വിഭാഗത്തിലാണ്​. എന്നാൽ 7935 പേർക്കാണ്​ പുതുതായി കോവിഡ്​ പരിശോധന നടത്തിയത്​. പുതിയ കേസുകൾ സമീപ ആഴ്​ചകളിലെ കൂടിയ നിരക്കാണ്​ ചൊവ്വാഴ്​ച രേഖപ്പെടുത്തിയിരിക്കുന്നത്​. മരണം നാലായി കുറഞ്ഞത്​ ആശ്വാസമാണ്​. തീവ്രപരിചരണ വിഭാഗത്തിലുള്ളവരിലും മരിക്കുന്നവരിലും അധികവും കുവൈത്തികളാണ്​.