കൊറോണ വ്യാപനത്തിന്റെ നാളുകൾ പിന്നിട്ട പ്രവാസലോകം നടപടികൾ കടുപ്പിക്കുകയാണ്. അന്താരാഷ്ട്ര യാത്രകൾ പുനരാരംഭിക്കുന്നതായുള്ള വാർത്തകൾ പ്രവാസികൾക്ക് ആശ്വാസമാകുന്നെങ്കിലും ഇളവുകൾ എല്ലാം തന്നെ അവസാനിപ്പിക്കുന്നത് ആശങ്കയോടെയാണ് ഉറ്റുനോക്കുന്നത്.

കഴിഞ്ഞ കുറച്ചു നാളുകളായി നി​യ​മ​ലം​ഘ​ക​രാ​യി സൗ​ദി നാ​ടു​ക​ട​ത്ത​ൽ കേ​ന്ദ്ര​ത്തി​ൽ ക​ഴി​ഞ്ഞ 580 ഇ​ന്ത്യാ​ക്കാ​രെ നാ​ടു​ക​ട​ത്തിയാതായി റിപ്പോർട്ട്. തൊ​ഴി​ൽ, വി​സാ​നി​യ​മ ലം​ഘ​ന​ത്തി​ന്​​ പി​ടി​യി​ലാ​യി​ റി​യാ​ദി​ലെ നാ​ടു​ക​ട​ത്ത​ൽ കേ​ന്ദ്ര​ത്തി​ലെ​ത്തി​യ ഇ​വ​ർ ബു​ധ​ൻ, വെ​ള്ളി ദി​വ​സ​ങ്ങ​ളി​ലാ​ണ്​ സൗ​ദി എ​യ​ർ​ലൈ​ൻ​സ്​ വി​മാ​ന​ത്തി​ൽ ഡ​ൽ​ഹി​യി​ലേ​ക്ക്​ എത്തിച്ചേർന്നത് തന്നെ. ര​ണ്ടു​ദി​വ​സ​ങ്ങ​ളി​ലായി 290 പേ​രെ വീ​ത​മാ​ണ് നാ​ട്ടി​ലെ​ത്തി​ച്ച​ത്.​ 15​ മ​ല​യാ​ളി​ക​ളും 37 ത​മി​ഴ്​​നാ​ട്ടു​കാ​രും 27 തെ​ല​ങ്കാ​ന, ആ​ന്ധ്ര സ്വ​ദേ​ശി​ക​ളും 49 ബി​ഹാ​റി​ക​ളും 219 ഉ​ത്ത​ർ​പ്ര​ദേ​ശു​കാ​രും 202 പ​ശ്ചി​മ ബം​ഗാ​ൾ സ്വ​ദേ​ശി​ക​ളും 31​ രാ​ജ​സ്ഥാ​നി​ക​ളു​മാ​ണ്​ ഇത്തരത്തിൽ നാ​ട്ടി​ലെ​ത്തി​യ​ത്.

ഇ​ഖാ​മ പു​തു​ക്കാ​ത്ത​ത്, ഹു​റൂ​ബ്​ കേ​സ്, തൊ​ഴി​ൽ നി​യ​മ​ലം​ഘ​നം എ​ന്നീ കു​റ്റ​ങ്ങ​ൾ ചൂണ്ടിക്കാട്ടിയാണ് അധികൃതർ ഇവരെ പിടികൂടിയത്. ദ​മ്മാ​മി​ൽ നിന്നും പി​ടി​യി​ലാ​യ​വ​രെ റി​യാ​ദി​ലെ​ത്തി​ച്ചാ​ണ് ക​യ​റ്റി​വി​ട്ട​ത്. അ​ൽ​ഖ​ർ​ജ്​ റോ​ഡി​ലെ ഇ​സ്​​കാ​നി​ലു​ള്ള​ പു​തി​യ നാ​ടു​ക​ട​ത്ത​ൽ (ത​ർ​ഹീ​ൽ) കേ​ന്ദ്ര​ത്തി​ലാ​ണ്​ ഇ​വ​രെ പാ​ർ​പ്പി​ച്ച​ത്. ഇ​ന്ത്യ​ൻ എം​ബ​സി ഉ​ദ്യോ​ഗ​സ്​​ഥ​രാ​യ രാ​ജേ​ഷ്​ കു​മാ​ർ, യൂ​സു​ഫ്​ കാ​ക്ക​ഞ്ചേ​രി, അ​ബ്​​ദു​ൽ സ​മ​ദ്, തു​ഷാ​ർ എ​ന്നി​വ​രാ​ണ്​ നാ​ട്ടി​ൽ അ​യ​ക്കു​ന്ന​തി​നു​ള്ള നി​യ​മ​ന​ട​പ​ടികൾ എല്ലാം പൂ​ർ​ത്തി​യാ​ക്കി​യ​ത്.

അതേസമയം കോ​വി​ഡ്​ തു​ട​ങ്ങി​യ ശേ​ഷം എ​ട്ട്​ മാ​സ​ത്തി​നി​ടെ​ സൗ​ദി​യി​ൽ നി​ന്ന്​ വിവിധ കരണനകളാൽ നാ​ടു​ക​ട​ത്തി​യ ഇ​ന്ത്യ​ൻ ത​ട​വു​കാ​രു​ടെ എ​ണ്ണം ഇ​തോ​ടെ 4323 ആ​യി ഉയർന്നിരിക്കുകയാണെന്ന് റിപ്പോർട്ട്. കോ​വി​ഡ്​ പ്ര​തി​സ​ന്ധി​ക്ക്​ അ​യ​വ്​ വ​ന്ന​തോ​ടെ നി​യ​മ​ലം​ഘ​ക​രെ ക​ണ്ടെ​ത്തു​ന്ന​തി​നു​ള്ള പൊ​ലീ​സ്​ പ​രി​ശോ​ധ​ന സൗ​ദി​യി​ൽ ശ​ക്ത​മാ​യിരിക്കുകയാണ്. ഇ​ന്ത്യ​ക്കാ​ര​ട​ക്കം നി​ര​വ​ധി വി​ദേ​ശി​ക​ളാ​ണ്​ ദി​നം​പ്ര​തി പി​ടി​യി​ലാ​കു​ന്ന​ത് എന്നാണ് റിപോർട്ടുകൾ സൂചിപ്പിക്കുന്നത്. രാ​ജ്യ​ത്ത്​ വി​വി​ധ ഭാ​ഗ​ങ്ങ​ളി​ൽ പി​ടി​യി​ലാ​കു​ന്ന​വ​രെ ഒ​ടു​വി​ൽ നാ​ട്ടി​ലേ​ക്ക്​ ക​യ​റ്റി​വി​ടാ​ൻ റി​യാ​ദി​ലും ജി​ദ്ദ​യി​ലു​മു​ള്ള ത​ർ​ഹീ​ലു​ക​ളി​ലാ​ണ്​ എ​ത്തി​ക്കു​ന്ന​ത്.