പ്രവാസികൾക്കു കടുത്ത മുന്നറിയിപ്പ് നൽകി കുവൈറ്റ്. നിലവിൽ രാജ്യത്തിന് പുറത്തുള്ള 33,414 പ്രവാസികളുടെ വര്‍ക്ക് പെര്‍മിറ്റ് റദ്ദാക്കിയതായി കുവൈത്ത് മാന്‍പവര്‍ അതോരിറ്റി പബ്ലിക് റിലേഷന്‍സ് ആന്റ് ഇന്‍ഫര്‍മേഷന്‍ ഡയറക്ടര്‍ അസീല്‍ അല്‍ മസീദി അറിയിക്കുകയുണ്ടായി. അതായത് തൊ​ഴി​ല്‍ അ​നു​മ​തി രേ​ഖ​യു​ടെ കാ​ലാ​വ​ധി അ​വ​സാ​നി​ച്ചി​ട്ടും രാ​ജ്യ​ത്തി​നു പു​റ​ത്ത്‌ ക​ഴി​യു​ന്ന വി​ദേ​ശി​ക​ളാ​ണ്​ ഇ​വ​രെ​ന്ന്​ കണ്ടെത്തുകയുണ്ടായി. ഒ​രു വ​ര്‍​ഷം മുമ്പ്‌ കാ​ല​ഹ​ര​ണ​പ്പെ​ട്ട സ്ഥാ​പ​ന​ങ്ങ​ളു​ടെ ലൈ​സ​ന്‍​സു​ക​ള്‍, ഫ​യ​ലു​ക​ള്‍ എ​ന്നി​വ റ​ദ്ദാ​ക്കി​യ​താ​യും അ​വ​ര്‍ വ്യ​ക്ത​മാ​ക്കുകയുണ്ടായി.

ഇതിന് പുറമെ 91,854 പേരുടെ വര്‍ക്ക് പെര്‍മിറ്റുകളുടെയും 37,000 ഫയലുകളുടെയും കാലാവധി അവസാനിച്ചതായും അവര്‍ പറഞ്ഞു. അതോടൊപ്പം തന്നെ മാന്‍പവര്‍ മന്ത്രാലയത്തിന്റെ രേഖകള്‍ കൈകാര്യം ചെയ്യുന്നതിന് ഉടന്‍തന്നെ പുതിയ ഓട്ടോമേറ്റഡ് സംവിധാനം നിലവില്‍ വരുന്നതാണ്. ഇതിന്റെ ഭാഗമായി കാലാവധി കഴിഞ്ഞ രേഖകള്‍ നീക്കം ചെയ്‍തുകൊണ്ടിരിക്കുകയാണെന്നും അധികൃതർ അറിയിച്ചു. താമസാനുമതിയുടെ കാലാവധി കഴിഞ്ഞ് ഇങ്ങനെ രാജ്യം വിട്ടവരുടെ അടക്കം വിവരങ്ങള്‍ ഒഴിവാക്കുകയാണെന്നും അസീല്‍ അല്‍ മസീദി പറഞ്ഞു പറഞ്ഞു.