പ്രവാസികൾക്ക് സേവനങ്ങൾ കൂടുതൽ സുതാര്യമാക്കാൻ തയ്യാറായി സൗദി അറേബ്യ. കൊറോണ വ്യാപനത്തിന് പിന്നാലെ സൗദിയിൽ വികസിപ്പിച്ചെടുത്ത തവക്കൽനാ മൊബൈൽ ആപ്ലിക്കേഷനിൽ കൂടുതൽ സേവനങ്ങൾ ഉൾപ്പെടുത്തുന്നത് തുടരുകയാണ്. വിവിധ രാജ്യങ്ങൾ തങ്ങളുടെ രാജ്യത്തേക്ക് യാത്ര ചെയ്യാൻ നിശ്ചയിച്ചിട്ടുള്ള ആരോഗ്യ, യാത്രാ നിബന്ധനകൾ ഇനി മുതൽ തവക്കൽന ആപ്പിൽ അറിയാൻ സാധിക്കുന്നതായിരിക്കും.

അതായത് ഓരോ രാജ്യത്തേക്കും നിർബന്ധമുള്ള കോവിഡ് പരിശോധന, യാത്രയുടെ എത്ര ദിവസങ്ങൾ മുമ്പ് എടുക്കണം, ഏതൊക്കെ പ്രായക്കാർക്കാണ് നിബന്ധന ബാധകം, ഓരോ രാജ്യങ്ങളും അംഗീകരിച്ച കോവിഡ് വാക്സിൻ ഏതെല്ലാം, ക്വാറന്റൈൻ തുടങ്ങിയ മറ്റു നിബന്ധനകൾ എന്തൊക്കെ തുടങ്ങിയ വിവരങ്ങളെല്ലാം യാത്രക്കാർക്ക് ആപ്പ് വഴി പരിശോധിക്കാൻ സാധിക്കുമെന്നും അധികൃതർ അറിയിച്ചു.

അതോടപ്പം തന്നെ ഈ സേവനം ഉപയോഗപ്പെടുത്താൻ ആഗ്രഹിക്കുന്ന ഉപയോക്താക്കൾക്ക് തവക്കൽന ആപ്പ് സന്ദർശിച്ച് ആരോഗ്യ സേവനങ്ങളിലെ 'ഹെൽത്ത് ട്രാവൽ റിക്വയർമെന്റ്' എന്നതിൽ ക്ലിക്ക് ചെയ്താൽ വിവരങ്ങൾ അറിയാൻ കഴിയുന്നതാണ്. ഇതിൽ ക്ലിക്ക് ചെയ്യുന്നതോടെ യാത്ര ചെയ്യാൻ ഉദ്ദേശിക്കുന്ന രാജ്യം, പുറപ്പെടുന്ന തിയതി, മടങ്ങുന്ന തിയതി എന്നിവ നൽകുന്നതോടെ വിവരങ്ങൾ കൃത്യമായി ലഭിക്കുകയും ചെയ്യും. ഇതേ സേവനം വഴി സൗദിയിലെ ഓരോ പ്രവിശ്യയിലുമുള്ള അംഗീകൃത കോവിഡ് പിസിആർ പരിശോധനാ കേന്ദ്രങ്ങൾ സേർച്ച് ചെയ്യാനും ആപ്പിൽ സ്വകാര്യം ഒരുക്കിയിട്ടുണ്ട്.

സൗദി ആരോഗ്യ മന്ത്രാലയത്തിന് കീഴിൽ നാഷനൽ ഇൻഫർമേഷൻ സെന്റർ വികസിപ്പിച്ചെടുത്ത തവക്കൽന മൊബൈൽ ആപ്ലിക്കേഷനിൽ രാജ്യത്തെ സ്വദേശികൾക്കും വിദേശികൾക്കും എളുപ്പത്തിൽ ലഭ്യമാവുന്ന വിവിധ സേവനങ്ങൾ ഉൾപ്പെടുത്തി വരുന്നതിന്റെ ഭാഗമായാണ് പുതിയ സേവനം ലഭ്യമാക്കിയിരിക്കുന്നത്.

അതേസമയം ഇനിമുതൽ പ്രവാസികൾക്ക് സൗദിയിൽ തൊഴിൽ ചെയ്യാൻ അനുവാദം ലഭിക്കണമെങ്കിൽ തൊഴിൽ യോഗ്യതാ പരീക്ഷയിൽ പാസായിരിക്കണം. ഇതിനായി വി​ദേ​ശ​ത്ത് കേ​ന്ദ്ര​ങ്ങ​ൾ അ​നു​വ​ദി​ക്കു​ന്ന​തി​നു​ള്ള അ​ക്ര​ഡി​റ്റേ​ഷ​ൻ ക​മ്മി​റ്റി​ക്ക് സൗ​ദി അ​റേ​ബ്യ അ​നു​മ​തി ന​ൽ​കിയിരിക്കുകയാണ്.

ക​ഴി​ഞ്ഞ​ദി​വ​സം ചേ​ർ​ന്ന മ​ന്ത്രി​സ​ഭ യോ​ഗ​ത്തി​ലാ​ണ് തീ​രു​മാ​നം കൈകൊണ്ടത്. യോ​ഗ്യ​ത പ​രീ​ക്ഷ വി​ജ​യി​ക്കാ​ത്ത​വ​ർ​ക്ക് സൗ​ദി​യി​ൽ ജോ​ലി ചെ​യ്യാൻ സാധിക്കുന്നതല്ല. സാ​ങ്കേ​തി​ക​വും പ്ര​ത്യേ​ക ക​ഴി​വു​ക​ൾ ആ​വ​ശ്യ​വു​മാ​യ മേ​ഖ​ല​യി​ലാ​ണ് സൗ​ദി തൊ​ഴി​ൽ യോ​ഗ്യ​താ പ​രീ​ക്ഷ തു​ട​ങ്ങി​യ​ത്. വി​ദേ​ശ​ത്തു​നി​ന്നു​ള്ള​വ​ർ​ക്ക് അ​വ​ര​വ​രു​ടെ രാ​ജ്യ​ത്തു​ത​ന്നെ പ​രീ​ക്ഷ കേ​ന്ദ്ര​മു​ണ്ടാ​കും. ഇ​ത് അ​നു​വ​ദി​ക്കു​ന്ന​തി​നു​ള്ള സ്ഥി​രം അ​ക്ര​ഡി​റ്റേ​ഷ​ൻ ക​മ്മി​റ്റി​ക്കാ​ണ് മ​ന്ത്രി​സ​ഭ​യു​ടെ അ​നു​മ​തി നൽകിയത്.

ഈ ​ക​മ്മി​റ്റി​യാ​കും ഓ​രോ രാ​ജ്യ​ത്തും വേ​ണ്ട പ​രീ​ക്ഷ​കേ​ന്ദ്ര​ങ്ങ​ൾ​ക്ക് അം​ഗീ​കാ​രം ന​ൽ​കു​ക. സൗദിയിൽ ഇനിമുതൽ വി​സ ല​ഭി​ക്കാ​ൻ ഈ ​പ​രീ​ക്ഷ പാ​സാ​കേ​ണ്ടി​വ​രും. നി​ല​വി​ൽ സൗ​ദി​ക്ക​ക​ത്തു​ള്ള​വ​ർ​ക്കാ​ണ് ഈ ​പ​രീ​ക്ഷ നടത്തിവരുന്നത്. ഓ​ൺ​ലൈ​നാ​യും പ്രാ​ക്ടി​ക്ക​ലാ​യും പ​രീ​ക്ഷ​യു​ണ്ടാ​കും. ഇ​ത് പാ​സാ​കു​ന്ന​വ​ർ​ക്കേ ജോ​ലി​യി​ൽ തു​ട​രാൻ സാധിക്കുകയുള്ളു.